PAUBA DIRIM JALA PASIDING PAMELEAN NA SO MARNIULA” Yesaya 1: 10-18

 

PAUBA DIRIM JALA PASIDING PAMELEAN NA SO MARNIULA” Yesaya 1: 10-18

Amang inang na hinaholongan di bagasan Tuhan Jesus Kristus! Jotjot do goar ni halak Kristen dibuat sian tokoh-tokoh na di Alkitab. Mungkin tokoh na digemari manang na dikagumi dohot harapan asa songon I nian tongtong pangalahona. Adong do dison na margoar si Jesaya, manang anakna manang pahompuna? Jala diantusi do lapatanna? Goar ni Yesaya ima sian hata Heber ima ‘Yesyayahu’ na marlapatan Allah adalah keselamatan. Sian barita ni si Yesaya jotjot mansoarahon angka sangkap haluaon na sian Debata.

Porlu botoonta bahwa upacara ibadah ndang boi tarsirang sian boha hita menghargai donganta jolma. Hatiha I di zaman ni Yesaya (Proto Yesaya) tung mansai tangkas do tarida na hurang nilai-nilai kemanusiaan dina laho menghargai sesame, gariada ketidakadilan penindasan tu kaum lemah do na godang, angka na pogos, na sopot so marama so marina, angka na so mardiha-diha. Secara kerohanian, denggan do nian nasida beribada, ringgas do nasida beribadah, sai dipatupa nasida do angka ibadat-ibadat, alai sudena I maralo do tu pangalaho nasida. Adong hal, kebiasaan-kebiasaan buruk dohot angka pemahaman na lipe na ingkon sipadengganon.

Dison do si Jesaya laho paingothon bangso ni Tuhan I naung mangolu di bagasan dosa. Idaon songon na burju do na marTuhan I, ala sai dipasahat nasida do angka pelean situtungon, sipanganon manang daupa di poltak ni bulan dohot di ari Sabat, I do sialana gabe hagigian do I di Debata ala huhut do nasida mangula dosa dohot hajahaton. Asa holan hasomalan sambing nama ibadah nasida i.

Muruk / Magigi Debata Jahowa mida pangalaho I, ala ni dosa dohot hajigilon nasida, nunga dipatudos nasida songon Sodom dohot Gomora. Taingot di bagasan 1 Musa 19: 1-25 na diuhum Debata Sodom dohot Gomora alani pardosaon nasida na so boi be dimaklumi. Sodom ima lambang ni angka dosa asusila / hagigian ni Jahowa. Gomora lambang ni kesombongan, ginjang ni roha alani kesuksesan. Nunga dipatudos nasida songon Sodom dohot Gomora.

Pelean na so tingkos, dipasahat do nian peleanna, alai ndang adong hamubaon ni roha dohot parange, motivasina mangalehon pelean I pen dang tingkos. Pasahat pelean/ ibadah I nunga holan rutinitas manang formalitas. Nunga magigi roha ni Jahowa mangida cara ibadah na songon i. Mamelehon pelean situtungon lombu, hambing, birubiru na pinamokmok, ndang be lomo roha ni Jahowa, hape di padan na robi I do halomoan ni Debata.

Boha do pemahamanta taringot tu na beribadah manang parsombaonta tu Debata??? Molo burju hita tu Gareja, partangiangan, parpunguan, pasahat pelean Minggu, Taon, sumbangan tardok do I ibadah sejati? Jala aha do na mangonjar rohanta / motivasinta mangulahon i? asa unang marisuang songon pasudasuda arang, so himpal bosi. Menjadi hal yang sia-sia dan tak berguna.

*Denggan do beribadah? Denggan apalagi ias jala bulus roha, apalagi molo marparbue gabe hamubaon ni roha di ngolu siganup ari. * Denggan do martangiang? Denggan apalagi mangurupi angka na pogos, na mabalu, na sopot somarama somarina. * Denggan do marpelean? Denggan alai pasohot diri sian hajahaton. Pelean na tapasahat dang gabe lomo ni roha ni Tuhan molo tongtong mangolu di bagasan dosa. Unang tapingkir godang peleanata gabe otomatis disesa dosanta. Unang tarimpu boi hita menyuap Tuhan songon angka malim hatiha i. Molo jolma boi papeolhon uhum di bagasan negosiasi, persekongkolan, KKN dohot angka suap, alai dang berlaku I tu adopan ni Tuhan.

Baru-baru ini kita mendegar tentang pemberantasan Pungli (Pungutan Liar) denggan ma I asa unang masa be angka pungutan liar. Sipemberi memberi supaya urusannya lancer (uang pelican), sarupa do I dohot manyogok. Alai ndang dihalomohon Debata angka si songon i. muruk Tuhan Debata marnida sisongon I, alai ni do si Jesaya mansoarahon asa dipansohot sude angka kemunafikan rohani, angka sandiwara i.

Amang-inang muruk pe Tuhan I, ndang na mangorai ibadah, mangalehon pelean, ujungna gabe mandele jala ndang olo be marminggu. Holan peringatan do on asa marhamubaon ni roha asa olo hita paiashon rohanta, mansohot sian hajahaton. Bahen komitmen laho pasohon angka hajahaton i. Marguru mambahen na denggan apalagi tu angka kaum lemah, dang be nasida ditindas alai dihaholongi. Dungkon I pe asa dapot pengampunan dosa, ala hata ni Debata na mandok: Rara pe dosamuna songon abit bunga dapdap, bontar do bahenonHu songon itak, nang pe rara songon abit hasumba, bontar bahenonHu songon hapas. AMEN