Mateus 21: 23-32 Topik: “ MANANDA DOHOT MANGULAHON LOMO NI ROHA NI DEBATA”

 

EVANGELIUM: Mateus 21: 23-32

Topik: “ MANANDA DOHOT MANGULAHON LOMO NI ROHA NI DEBATA”

Dongan nahinaholongan di bagasan Tuhan Jesus Kristus. Turpuk on manghatai taringot tu partinandaan tu Tuhan Jesus Kristus. Molo nunga lam taboto, taantusi, tatanda sasahalak lam denggan nama holongna manang hubunganna. Songoni ma panandaonta tu Debata, angka na lam mananda Debata gabe mangulahon patikna. Mangulahon lomo ni roha ni Debata ima sada panggilan tu sude jolma.

1.      Di tingki Tuhan Jesus mangajar di emper-emper ni bagas joro ni Debata, tongon ma disi marpungu godang halak tarlumobi halak Jahudi. Adong sungkun-sungkun nasida tu Tuhan Jesus. Huaso dia do dipangasahon Ho ? (Ay. 23). Ala diboto nasida do Tuhan Jesus boi pamalumhon angka na marsahit, mangajari torop halak, patupahon angka mujizat, dohot angka na asing na so boi dipatupa jolma ia so holan Tuhan Jesus.

Hape sasintongna diboto Jesus do tujuan sungkun-sungkun nasida ima mangalului kesalahan dohot kelemahan ni Jesus di jolo ni na torop asa dapot hasalaan ni Tuhan Jesus, dungi pailaonna jala tangkuponna ma Tuhan Jesus.

Manat-manat do Tuhan Jesus mangalusi sungkun-sungkun nasida. Dang dialusi Tuhan Jesus secara langsung, alai sada metide na pinangke ni Tuhan Jesus ima metode kembali bertanya. Sungkun-sungkun ni Jesus muse sian dia do pandidion ni si Johannes (ay. 25)

Dang dialusi Tuhan Jesus secara langsung, alai sasintongna nunga dialusi ibana sungkun-sungkun ni angka malim dohot angka tua-tua ni halak Yahudi manang sintua ni bangso i. jala alus ni Tuhan Jesus nunga membungkam angka na naeng menjebak ibana.

2.      Lanjut muse dohot perumpamaan ni sahalak ama nampuna 2 dakdanak. Naparjolo: mangolohon alai dang mangulahon, jala napaduahon: mandokhon daong alai diujungna laho do mangulahon. Adong do tong hal na dikritisi sian na parjolo nangking ima sada hal na denggan berengon denggan alai dang diulahon nasarupa doi dohot na so denggan. Jala na paduahon nakking ima sada perubahan manang pertobatan sian siula hajahaton na mangoba dirina laho mangihuthon parenta ni Tuhan Debata.

Kondisi ni Tuhan Jesus laho mangadopi sungkun-sungkun na menjebak. Molo tung pe dipaboa tu nasida tong do dang laho porsea nasida tu nanidokhon ni Tuhan Jesus. On do muse na gabe renungan di hita. Sintua ni malim manang pangituai ni bangso nagok pargadombuson manang kemunafikan. Diboto do hal na sintong alai ndang na sintong I dilului manang diulahon, malah mangalului hasalaan ni halak na asing. Anak na paduahon nakking ima parjahat, sijalo beo, angka non Jahudi na olo paubahon dirina ujungna gabe mangoloi Debata.

Panghataion dohot pangalaho na ingkon sesuai. Dang holan hata. Dang songon kuburan na bagak di luar hape di bagasan nunga busuk. Ulaon ni Tuhan Jesus ima na paiashon bagas joto na gabe harugian tu halak malim. Adong ketidaknyamanan ni halak Jahudi di tingki Tuhan Jesus pajongjonghon hasintongan. Dipangke ibana do huaso na sian Tuhan Debata dina laho mangula dohot mangalusi angka sungkun-sungkun ni halak Jahudi. Molo manghatai na denggan tong ma nian diulahon, so tung dang marparbue angka na uli, jala diburai Debata ala so marparbue na denggan. Alai na dipangido ni turpuk on ima hamumulak niangka parjahat tumadingkon dalanna gabe tu hadengganon. Sasintongna, saidealna halak na berintegritas ima halak na saurdot dipanghataionna dohot di pambahenanna. AMEN