ACARA PARTANGIANGAN SYUKURAN PANDIDION NA BADIA (BAHASA BATAK)
* - Hata patujolo sian Keluarga
- L: Liturgis, R: Ruas, S: Sude, U: Uluan
1. PANGARADEON / JOUJOU TU PARTANGIANGAN.
L : Hamu angka na hinaholongan, Horas ma di hita saluhutna. Pinuji ma Debata na umpasupasuhon tingki na uli on tu hita. Diloas do hita marpungu di inganan on, manghalashon denggan basa ni Debata naung tajalo di bagasan ngoluntabe. Laos di bagasan tingki on marlas ni roha do hita saluhutna, khususna Kel amang xxx inang br. xxx siala marhite pasupasu ni Debata, nunga tupa Pandidion Na Badia tu anakhonnasida xxx. Alani i do marpungu hita ditingki on mamuji dohot pasangap goar ni Debata.
R : Puji ma Ibana, sude hamu ale angka surusuruanNa, puji Ibana, sude hamu ale angka paranganNa!
L : Puji Ibana, ho ale mata ni ari dohot bulan, puji Ibana, sude hamu ale bintang angka na marsinondang i!
R : Ingkon pujionnasida ma goar ni Jahowa, ai sasada goarNa i do na timbul, diatasi hamuliaonNa i do tano on dohot angka langit!
L : Jala Ibana patimbul sada tanduk di bangsoNa i, bahen pujipujian di sude angka na niasianNa, di angka anak ni Israel, bangso hasolhotonNa i. Halleluya! Antong, rap marlas ni roha ma hita mamuji pasangaphon Debata, marende ma hita!.
2. MARENDE BE. No. 565:1, 4 LAS ROHANGKU LAO MAMUJI
♫ Las rohangku lao mamuji Debata Parholong i, Songon bunga na mangerbang di na binsar ari i,
Arsak, dosa, haporsuhon, mago dibaen asiMi, Las ni roha na manongtong lehon di au Tuhanki.
♫ Rap ma hita mangendehon, sangap di GoarNa i, Tapangiar soaranta lao mamuji Tuhan i,
Sun do holong ni rohaNa na so marnamontok i, I do pasadahon hita salelenglelengna i.
3. VOTUM – INTROITUS - TANGIANG
L : Di bagasan Goar ni Debata Ama dohot goar ni AnakNa Tuhan Jesus Kristus, dohot goar ni Tondi Parbadia na tumompa langit dohot tano on. Amen.
Ari on do na jinadihon ni Jahowa, marolopolop jala marlas ni roha ma hita disi. Beta ma hita manungkap marsomba, marsinggang ma hita tu adopan ni Debata Jahowa, sitompa hita.
R : Ai Ibana do Debatanta, jala hita bangso pinarmahananNa, jala birubiru niiringiring ni tanganNa.
L : Marolopolop ma hamu, ale angka partigor, mangasahon Jahowa talup do marende angka na unjur marroha. Marlas ni roha ma hamu, ale angka partigor di bagasan Jahowa, jala puji hamu ma goarNa na badia i.
R : Pinuji ma Debata, na sai manangihon tangiangta jala mangalehon asi ni rohaNa di sude pardalanan ni ngolunta.
L : Sai pujionku do angka pambahenan ni Jahowa, sai ingotonhu do halongangan angka na binahenNa i sian na robi.
R : Na denggan situtu do na mamuji Jahowa dohot mengendehon goarMu, ale na tumimbul! Mamaritahon asi ni rohaM manogotna i dohot hasintonganMi bornginnai.
L : Oloi hamu ma Jahowa marhitehite las ni roha, ro be ma hamu tu joloNa marhitehite olopolop. Ai pardenggan basa do Jahowa, ro disaleleng ni lelengna do asi ni rohaNa, jala marsundutsundut do hasintonganNa. Haleluya! Martangiang ma hita. Mauliate dipasahat rohanami tu Ho Debata Amanami, ala asi dohot holong ni rohaM na mandongani jala mangaramoti daging dohot tondinami. Nunga dipasahat Ho ale Tuhan pasupasu tu Kel amang xxx inang br. xxx na mamboan anakhonnasida xxx manjalo pandidion na badia. Antong sai pasupasu ma natorasna, laho mamboan dohot pagodanggodang dakdanak naung pinasahatMi di bagasan ajar dohot lomo ni rohaM. Tangihon ma tangiang pangidoan nami on, marhitehite goar ni AnakMu Tuhan Jesus Kristus Tuhannami.
S : Amen.
4. MARENDE BE. NO. 463:1. PASUPASUM TONGOSONMU
♫ Pasu-pasuM tongosonMu, i do didok hataMi, Suru TondiM na Badia, bosur ma bahen rohangki.
HagogoonMu, songgop ma tu rohangkon. Unang sai holan manetek, gohi sandok diringkon.
5. MANJAHA AYAT : Markus 10: 13 - 16
L : Dung i adong ma na mamboan angka anakkonna tu Ibana, asa dijama; alai dipinsang angka siseanna do nasida.
R : Marnida i Jesus, sogo ma rohana, didok ma tu nasida: Loas hamu ma ro angka dakdanak i sahat tu Ahu; unang orai hamu nasida, ai di angka sisongon i do harajaon ni Debata!
L : Situtu do hatangkon tu hamu: Na so manjalo harajaon ni Debata songon dakdanak, ndang saut bongot tusi. Dung i dihaol ma nasida, diampehon ma tanganna tu nasida laho mamasumasu. I do sahat na. Martua ma na tumangihon Hata ni Debata jala na umpeopsa.
S: Amen.
6. MARENDE BE. NO. 467:1 ASI NI ROHAM HUPUJI
♫ Asi ni rohaM hupuji ala Ho manobus au.
Dipaias Ho rohangku, gabe soranganMu au.
IngananMu rohanami, TondiMi manggohi i.
Pangke dohot ngolunami gabe ulaulaMi.
7. TANGIANG PANGONDIANON :
8. MARENDE BE. NO. 720:1 NAENG MARSINONDANG
♫ Naeng marsinondang ngolungku di igil Jesus i, Manang didia pe au tongtong huingot i.
Tiur marsinondang i do ni igil ni Jesus, Tongtong marsinondang panondang do au tutu.
9. JAMITA/ RENUNGAN:
10. MARENDE BE. NO. 435 : 1 – 3 MAROLOPOLOP TONDINGKI ( PELEAN)
♫ Marolopolop tondingki, ai naung ditobus Jesus i.
Hamu sude begema i, Sai las rohangku mandok i.
Reff : Sonang ni tingki i, dung jumpang Jesus Tuhanki. Tondi Na mangajari au, tarbaen marlas ni roha au. Sonang ni tingki i, dung jumpang Jesus Tuhanki.
♫ Dihaol holongNa rohangki, tung na so boi be mago I,
MataNa do manatap au, pinggolNa tumangihon au. Sonang ni tingki i...
♫ Tu Jesus sahat ngoluki Saleleng ni lelengna i.
Rap dohot au endehon ma Endengku na imbaru da. Sonang ni tingki i…
11. TANGIANG PANUTUP
U : Ale Tuhannami, nunga dilehon Ho si xxx on tu Kel amang xxx inang br. xxx sialani marhite pandidion na badia naung nijalona hupasahat hami ma ibana tu Ho asa dohot Ibana masuk tu HarajaonMu dohot gabe panean hangoluan saleleng ni lelengna.
R : Asi ma rohaM dohot di natoras ni dakdanak on, asa margogo nasida pagodanggodang, manogunogu dohot mangajari dakdanak na nilehonMon mangantusi Hatani Debata.
U : Hupasahat hami ma tu adopanMu na badia i marhite Anak haholongan ni rohaM Tuhan Jesus Kristus, Tuhannami. Amen
TANGIANG ALE AMANAMI- AMEN-AMEN-AMEN
Tidak ada komentar:
Posting Komentar