Mika 3: 5-12 Topik: “ PASOMBU JAHOWA PATUREHON NGOLUM ”

 

EVANGELIUM: Mika 3: 5-12

Topik: “ PASOMBU JAHOWA PATUREHON NGOLUM ”

Amang dohot inang nahinaholongan di bagasan Tuhan Jesus Kristus !

            Panurirang Mikha mangolu do di zaman ni si Jesaya sian huta Juda. Disaksihon ibana do parmasa ni uhuman na ro sian Debata songon napinaboa ni si Amos di Utara. Laho diuhum Debata ma nasida alani dosa nasida ala so tingkos be parngoluan nasida. Dang adong be keadilan nasida maradophon angka donganna.

            Tung mansai jotjot do panurirang di Padan na robi mansoarahon asa marparange na adil manang daulat. Di Kitab Mikha ima na marisihon taringot tu uhum tu Israel dohot Juda. Alai dibalikni I laos adong do hadameon dohot pangapulion tu nasida. Di bagasan turpuk on, marhite Panurirang Mikha patuduhon sada lumbalumba/ peringatan tu nasida. Dipangidohon do asa pajongjonghon angka hatigoran, keadilan sosial na so boi malua sian haporseaon tu Debata. Halak na porsea ingkon adong holong di bagasan ibana. Haporseaon, ibadah ingkon dos dohot keadilan.

            Adong dua macam Nabi napinatuduhonna. Naparjolo ima nabi palsu: ima angka panurirang na godang kompromi tu pangomoanna sandiri, na margantung tu angka sinamot di portibi on. Pasahatonna ma angka dame, las ni roha, angka na tabo begeon alai gabe terbuai ma bangso I di bagasan hagolapon. Sai dibahen nasida do janji-janji na tabo, kata-kata yang manis untuk didengar, nang pe so to ho. Nabi palsu nagok roha diri, na mangutamahon arta, huaso, gok pargabuson.

            Alai panurirang na sasintongna, Nabi yang benar adalah penyambung lidah Allah. Nadialo ni si Mika ima angka motif dohot motivasi ni angka nabi palsu laho manghobasi. Jala on ma sada resiko naniadopina ingkon siap ma tong ibana laho dihasogohon, disingkirhon, jala dang gabe popular. Barani laho mangadopi sude resiko termasuk reherehe, uhuman dohot angka na asing.

            Disorot ibana do tongtong di angka penegak hukum. Songon na masa na barubaru on di negaranta ate. Nunga dipamasa Undang-Undang taringot tu Pungli (pungutan liar), jadi dang bebas be jolma laho mangulahon suap menyuap. Nunga godang angka koruptor na ditangkup KPK. Alai realita na masa godang dope tipu menipu, penindasan, pembodoh-bodohan sian pribadi tertentu manang berkelompok-kelompok. Boi do masa ketidakadilan alani angka permainan di Undang-undang.

            Boido tabandinghon dohot jamita partangiangan di ari na salpu di 1 Tesalonika 2: 9-13, songon dia do siPaulus menjawab angka tuduhan-tuduhan tu ibana. Bekerja keras mambahen tenda asa unang mambobani di Huria Tesalonika tarlumobi patuduhon sitiruon dohot mangalusi angka tuduhan na hurang denggan tu ibana. Tabereng muse songon dia do Martin Luther mangalo surat Indulgensia napinatupa ni Paus Leo X, ala dang tingkos tu Hata ni Debata. Nunga mansalahi molo dipangke goar ni Tuhan I laho tu tujuan na sala. Hape na sasintongna holan Tuhan Jesus Kristus do na boi paluahon jolma sian dosa.

            Amang inang, molo tabereng do sisaonnari on nagok kepalsuan tarlumobi di Indonesia, adong boras palsu, aqua palsu, ijazah palsu, sahat tu uang palsu. Maol membedahon na asli dohot na palsu. Asli tapi Palsu (Aspal). Mansai godang dope angka kepalsuan na asing, na mambahen kekecewaan, na mambahen harugian dohot hamagoan.

            Songon na masa di turpuk on, ima angka ibadah palsu, mangalehon peleanna sian angka pangomoan na so tama, sian hasil korupsi, hasil penindasan, perampokan, dipikkir rohana laos I do na manesa dosana. Merampas ugasan ni halak, jabuna, tano di buat angka penguasa, mambuat hak-hak ni halak ido na dihasogohon Debata jala laos ido peringatan ni panurirang Mika.

            Sude do tarjou laho menegakkan keadilan dan kebenaran. Alai di angka pemimpin na sasintongna ingkon padirihon hasintongan. Tugas ni panurirang ima paimahon dohot manungkon lomo ni roha ni Debata, jala pasahathon Hata ni Debata secara murni, dang hurang jala dang lobi hombar tu lomo ni roha ni Tuhan Debata. Dang na laho tu hasangapon ni diri alai gabe hasangapon ni Debata do. AMEN