PARTANGIANGAN MAMEAKHON BATU PARJOLO
(PELETAKAN BATU PERTAMA)
JABU/ BAGAS
xxxxxxx
A. Pangaradeon : - Mangarade ingananna be.
- Dipatupa hian ma semen dohot batu.
B. ACARA KEBAKTIAN :
01. Marende BE. No. 4 : 1, 3 “Sai Puji Debata”
ü Sai puji Debata dibaen asi rohaNa. Huhut tongtong basa di nasa tinompaNa.
Ria ma hita be mamuji Debata; ai sesa do nuaeng dosanta i dibaen.
ü Dibahen i tama pujion ni rohanta, Tuhanta Debata, nang Jesus pe Anakna,
nang Pangondian i, naung ro tu hita on manggonti Jesus i, pujion do tongtong.
02. VOTUM :
L : Marhitehite goar ni Debata Ama dohot goar ni Anakna Tuhan Jesus Kristus dohot goar ni Tondi Parbadia. Amen.
Marolopolop ma hamu, ale partigor, mangasahon Jahowa talup do marende angka na unjur marroha.
R : Marlas ni roha ma hamu, ale partigor di bagasan Jahowa, jala puji hamu ma goarNa na Badia i.
L : Pinuji ma Debata, na so manulakhon tangiangki manang asi ni rohana pe sian ahu.
R : Sai pujionku do pambahenan ni Jahowa, ai sai ingotonku do halongangan angka na binahenNa i sian na robi.
L : Na denggan situtu do na mamuji Jahowa, dohot mangendehon goarNa na tumimbul i. Haleluya.
Martangiang ma hita : Mauliate ma dipasahat rohanami tu Ho Debata Amanami, ala asi dohot holong ni rohaM na mandongani jala mangaramoti daging tondinami. Diloas Ho dope hami sadari on laho Mameakhon Batu Parjolo ni Bagas ni Keluarga XXX, di na laho siinganan ni joloan on dung jolo dipature angka pande bagas dison. Sai parrohai ma angka pande bagas na paturehon, Jalo ma tangiangnami on marhitehite Jesus Kristus Tuhannami. Amen.
03. Manjaha Epistel: Psalmen 122 : 1 – 9, Tajahama pasingkat sorin:
L : Ende hananangkok sian si Daud. Las do rohangku di angka na mandok tu ahu : Beta hita manopot bagas ni Jahowa!
R : Nunga jongjong patnami di angka bahalnami, ale Jerusalem!
L : Ale Jerusalem, naung pinauli songon huta na tipak marrapitrapit gabe sada.
R : Nangkok do tusi angka marga, angka marga ni Jahowa, bahen panindangion di Israel, laho mamuji goar ni Jahowa.
L : Ai tusi do dipajongjong angka habangsa paruhuman, angka habangsa di pinompar ni si Daud.
R : Sai pangido hamu ma hadameon di Jerusalem, sai mardohar ma angka na mangkaholongi ho!
L : Sai masa ma hadameon di bagasan parikmu, hasonangan ma di bagasan jabum angka na bolon!
R : Ala ni angka hahaanggingku dohot alealengku sai dohononku do : Hadameon ma di bagasan ho.
L : Ala ni bagas ni Jahowa, Debatanta i, sai haringkothononku do na denggan di ho. Ima sahatna, Martua do angka na tumangihon hata ni Debata jala na umpeopsa.
S : Amen.
04. Marende BE. No. 102 : 5 “O Tondi Parbadia i, bongoti”
ü Ho batu mamak na togu, na tau ojahan situtu, paojak rohanami.
Tu hata hasintongan i, tung unang olo lilu be nang sada sian hami,
lehon roha na tumogu, na umburju, manggoari Jesus Kristus Tuhannami.
05. JAMITA / RENUNGAN:
06. Marende BE. No. 184 :1-2+ 6“Aut Na saribu hali ganda” (P. Pelean)
ü Nunga tung jumpang au ojahan ni tondingki na mago i; Mudar ni Jesus do manahan saleleng ni lelengna i. Nang mago pe portibi on tongtong do hot ojahan on.
ü Ai dipaherbang do tanganNa, manghaoli hajolmaon on, Dibahen asi ni rohaNa, di isi ni portibi on. Naung ro, nang na so ro dope, naeng toguonNa do sude.
ü Ojahan on do ingananku saleleng au di tano on, sai ima hangoluhononku saleleng so tos hosangkon. Tongtong do sipujionki Tuhanta Sipangolu i.
07. TANGIANG PANGONDIANON:
08. Marende BE. No. 425 : 1 “Batu Mamak di au on”
ü Batu mamak di au on, hupasahat tondingkon, tu aek dohot mudarMi, na ro sian lambungMi; Sipalua au do i sian pardosaonki.
09. MAMEAKHON BATU OJAHAN / PELETAKAN BATU PERTAMA :
1). Pangula ni Huria: "Di bagasan goar ni Debata Ama, Anakna Tuhan Jesus Kristus, dohot Tondi Parbadia pineakhon batu on gabe batu parjolo on, angiat ma bagas on annon gabe inganan pamujion di GoarMu dohot pangalapan pasupasu sian adopanMu na badia i. Amen."
(Diuduti na asing hombar tu naung dipillit jala dipeakhon ma semen di bagasan Hata ni Debata)
10. TANGIANG PANUTUP: Ale Amanami- Pasupasu
Amen-Amen-Amen
Syalom! Horas! Tuhan Yesus memberkati ! ! !
Tidak ada komentar:
Posting Komentar