PSALMEN 2: 1-12 TOPIK: “BANGKIT SONGON HALAK NA MINIAHAN”

 

PSALMEN 2: 1-12

TOPIK: “BANGKIT SONGON HALAK NA MINIAHAN”

Hamu angka dongan di bagasan Tuhan Jesus Kristus,

Goar ni Minggu on Estomihi, lapatanna: Sai Ho do partanobatoan di ahu. Tano bato ima tano dohot batu na disusun gabe terbentuk ma songon partabunian manang didokhon ma I gabe kubu pertahanan. Partanobatoan sarupa ma I dohot parlinggoman, molo di parporangan sai dilului do tano bato asa adong parlinggomanna asa unang hona tembak ibana dibahen musuna. Tano bato I ma na gabe pangondinganna asa boi ibana selamat sian musu.

            ParPsalmen manghatindanghon jala mandok Debata do partanobatoanku, alani I dipasahat ibana do dirina tu Debata jala marhaposan tu Tuhan I do ibana. Halak na manangihon dohot mangulahon Hata ni Debata dipatudos do tu halak na pajongjong bagas di atas tano bato. Halak na marEstomihi, na martano bato tu Jahowa, ima halak na mangoloi Jahowa mardongan biar ni roha.

            Di bagasan turpuk on, adong sada keprihatinan na pinatuduhon ni parpsalmen ima perhatian tu kondisi keamanan, kekacauan politik di angka bangsa-bangsa, persekongkolan ni angka bangsa-bangsa na asing maralohon bangsa Israel. Ise na mangalo bangso na pinillit ni Debata na mambahen paraloan do I tu Debata.

Di ayat 1-2: Hehe martahi do angka raja ni tano on rap dohot angka na begu (Para Pembesar), mangalo Jahowa dohot Messiasna i. Sistem kerajaan na jolo berhubungan do dohot keagamaan. Aha ugamo ni sada raja, I do ugamo ni angka rakyatna, aha keputusan ni angka penguasa berpengaruh do I tu ngolu peribadatan nasida. Disangkapi roha ni angka bangsa-bangso I do boha mambahen kekacauan dohot kerusuhan / menciptakan kerusuhan supaya berantakan dan hancur (Chaos). Dibahen angka sangkap na roa tu bangso Israel, asa madabu bangso ni Debata i. Dungkon I boi ma gulingkononna haporseaon tu Debata. Jadi direncanahon nasida do mangalo Jahowa dohot na sinuruNa, na ni utusNa sandiri dialo, na naung miniahan ni Debata.

Amang-inang, kondisi-kondisi politik songon on hurasa nunga tarida di negaranta on, adanya kelompok-kelompok yang menekankan fanatisme dan ekstremisme di dalam suatu paham yang dapat mengganggu kerukunan antar masyarakat umum. Berusaha do halakon menciptakan kerusuhan, misalna demo-demo dengan misi tertentu. Membatasi ruang dan gerakan ni halak na so sada paham, manang sada ras dohot nasida. Adong kecemburuan molo maju halak an, alani I sai dipatupa angka rekayasa-rekayasa masalah.

Damang-dainang na hinaholongan di bagasan Tuhan Jesus Kristus di bagasan kondisi na songon I do adong panghirimon, pengharapan mesianis, adong ma nian na boi paluahon sian kondisi I, boha ma asa boi malua sian angka persekongkolan i? Hasadaon ni angka bangsa-bangsa, raja-raja, penguasa-penguasa, pemimpin-pemimpin, orang kaya laho maralohon Tuhan Debata.  Nunga pagaranghu nasida na laho maralohon Debata, ai dosa balga do di adopan ni Tuhan.

Ayat 3-4 : Saonari, digoraho hita "Tarapui ma angka ihotnasida (Belenggu-belenggu), jala taambolongkon ma angka talina i". Saonari boha do manggotaphon angka rante hajahaton nasida asa unang torus manorus dibahen nasida hajahaton, asa unang be didatdati mangalo Jahowa. Manggotap tali ni hajahaton asa unang marganjang-ganjang be ibana.

Dipingkiri roha ni parjahat I do naung jago manang hebat nasida, Alai diengkelengkel Ibana na marhabangsa di banua ginjang i do nasida, jala dielesi Tuhanta i do nasida. Jadi jolma on sai hira porhis do ra diadopan ni Debata, naeng dipasombu terserah Ibana, naeng dilisathon terserah ibana. Diparengkeli, dilesengi Tuhan I do nasida: ‘Eeh angka simaup an, so diboto magona’, ‘nga roa jugul muse, mangaloalo muse tu Tuhan’, agia pogos partahanton ginjang ni roha, dna.

Jadi sude huaso di tangan ni Tuhan Debata, jadi ndang boi jolma I hape mangasahon dirina sandiri. Ndang boi jolma I marpangalaho hombar tu lomona sandiri, ai adong do Tuhan Debata na marnida hita sian banua ginjang. Ibana do Raja dohot Panguhum na sintong.

Burju do Tuhanta I, Parasi roha na sumurung do ibana, alai adong do tingkina bangkit rimas ni Debata, Songgahanna do nasida sogot di rimasna, jadi martimpalan ma nasida mida parpiarpiar ni murukna. I do na tapangidohon amang dohot inang asa unang dohot hita hona muruhan ni Debata. Alani I ndang sipansingon roha ni Debata, aut sugari boi holongan nian Tuhan Debata tu hita. Alani I adong ma nian perubahan di tonga-tonga ni ngolunta, pauba roham na mardosa!. Unang datdati mangulahon na so lomo ni roha ni Tuhan i. Papulik dirim sian hajahaton.

Ayat 6:  Hape anggo Ahu, hupabangkit do Rajangku di dolok Sion. Dipabangkit Tuhan Debata do nagabe naposona mangulahon tugasNa. Alani I dipadiri Debata do raja, panurirang, malim dohot angka pemimpin na asing. Parjolo sahali dijou, jala disuru Debata do nasida mangulahon parsuruonNa, alai Miahan ni Debata ma nasida songon tanda diramoti Tuhan Debata do nasinuruna manang tudia pe lao. Dimiahi Debata ma simanjujung na naeng sisuruonna lapatanna diurapi manang ditahbis Debata ma nasida. Pandonganion ni Debata ido modal utama, sinjata na ampuh maralohon musu, ima sibolis parjahat i. Molo Debata donganta tontu margogo do hita manghatindanghon hasintongan. Parsidohot ma hita dina laho pararathon  barita dohot aturan-aturan ni Debata.

Pos do roha dipargogoi Debata do angka naposona laho manjamitahon angka patikNa. Sian hadirion ni jolma tontu dang sanggup manuhuk tugas na nilehon ni Debata, alai nunga dilehon Tuhan Debata gogo, pangurupion, jala pandonganion asa tolap mangulahon angka tugas-tugas mulia. Alani I dang sarupa hita dohot angka penguasa-penguasa na marusaha maralohon Debata, alai ringkot di hita ‘Andaliman ima: Andalkan Iman’. Haporseaonta tu Tuhan I do tapangasahon maradophon angka na masa di tonga ni ngolunta.

Dihatindangkon par Psalmen do bahwa didok Jahowa tu ibana: Anakku do Ho, sadarion do Ho hutubuhon. Ungkapan iman na nidok ni patuduhon tung mansai jonok do hape Debata tu angka na porsea. Hitape tarjou do gabe Anak ni Debata, alai Anak ni Debata naeng ma songon Debata tongtong di bagasan pangalahona. Amang inang angka naung miniahan ni Tuhan marhitehite ulaon siganup ari, ima pemimpin masyarakat dalam skop luas manang sempit; Natuatua, Pandita, Sintua, Politisi, dna gabe halak na peduli/ peka tu sekitar alai tongtong marojahan tu hasintongan na sian Debata na mangarahon lam jonok tu Debata.

Penyerahan diri tu Tuhan I tung mansai ringkot situtu, berserah diri / pasrah bukan berarti tidak berdaya, alai nunga berusaha jala dipasahat tu Debata.  Pangido ma sian Ahu, asa hulehon tu Ho angka parbegu bahen jambarmu. Nakkining halak na naeng mangarongrong bangso ni Debata, alai sabalikna gabe halak I do na gabe jambar silehonon ni Debata tu nasida angka na sintong marhaporseaon. Halak nataruli sian napaimaimahon pandonganion ni Debata maradophon angka musu. (Bdk. Tembok Jeriko na dikaliangi 7 hali, boi gabe rumpak. Haporseaon do na binahen nasida tu Debata)

Di ujungna, hangoluanta on naeng taarahon tu Tuhan Debata marhitehite parsombaon tu Debata manang ibadah. Kata ibadah berasal dari kata Ibrani yaitu ‘abhoda’ na marlapatan: hormat, kagum, penuh pujian, takut akan Tuhan. Ibadah ima hataridaan ni rasa hormatta dohot hasangapon tu Tuhan, alani I marlas ni roha mamuji Tuhan I ndang alani paksaan alai ala rasa hormatta, rasa kagum tu Debata. Orang yang beribadah belum tentu takut akan Tuhan, tetapi orang yang takut akan Tuhan pasti beribadah; Lihat contohnya: Daniel, Sadrakh, Mesakh dan Abednego. Na ingkon porsea do ibana tu Tuhan Debata manang aha pe namasa.

Di bagian parpudi ni ayat on diarahon do angka raja asa olo mamparrohahon, angka panguhum asa olo dipaingot, nang tu saluhut halak na porsea asa mangaoloi Jahowa dohot biar, jala marolopolop ma hamu, huhut angka hitir. Umma hamu ma Anak i, asa unang ro rimasna, martua ma sude angka na marhaposan tu Ibana. Lapatanna adong keseriusan di hita lao marsomba tu Tuhanta i. AMEN