Angka Ende (Kidung Agung) 2: 8-13 Mencintai Hukum Allah

 

 

Nats	Angka Ende (Kidung Agung) 2: 8-13
Topik/ Tema/ Judul	Mencintai Hukum Allah
Nama Minggu/ Ibadah	V Dung Trinitatis

 

I.                   Patujolo

Angka Ende (Kidung Agung) ima sada kitab Sastra di Padan na robi. Didok angka pande, na manurat Ende on ima Raja Salomo, Ende on ima punguan ni angka ende na dumenggan, na somal dipangke di tingki angka ulaon na balga isarana perayaan ari paska ni bangso Israel. Molo tajaha buku on, marisihon angka ende na marrumang kata-kata indah manang puisi. Jala digombarhon songon hubungan ni baoa dohot parompuan (hubungan kekasih). Tudos tu dolidoli na mamuji manang manghombar parompuan na naeng gabe hasian ni rohana suang songoni sabalikna.

 

II.                Sipahusorhusoron

1)        Hasian ni Debata do Hita. Marhite buku on digombarhon do hubungan ni Debata dohot jolma songon halak na marhallet (pasangan kekasih). Nang pe begeon songon hubungan ni halak na dewasa, alai ido tutu rosu ni parsaoran ni Debata dohot jolma. Dihaholongi Debata do jolma I, pola dibahen ibana gabe hasian manang hasudungan ni rohana. Tabereng ma songon dia pambahenan ni Debata tu hita, dihaholongi hita nang pe so patut nian siasian hita, alai manongtong do holong ni rohana. Dibuat do hita sian harotahon jala dibahen gabe na tumimbo. Ingot ma arga do dirimu ima hasian ni Debata, alani I ingkon pangkeonta sada na arga nanilehon ni Debata ima naung ni angkatNa I hita gabe hasianNa.

2)        Marsihaholongan dohot Debata. Nunga tangkas tapanghilalahon holong ni Debata, songon naung digombarhon di ginjang. Jala ndang maradi asi dohot holong ni roha ni Debata tu jolma. Sangkap ni Debata, selalu/ manongtong do laho mangalehon na terbaik tu jolma. Di turpuk on digombarhon do hagaleonta manang keterbatasanta di adopan ni Debata songon sahalak na “manja/ mentel”. Ndang boi nian ibana mandiri, alai tongtong dihaholongi Debata. dibahen gombaran (di ayat 8-9) songon anak hije manang ursa na marhajingjang di atas ni angka robean. Ala nunga dihaholongi Debata hita, sialani I patut do nian tahaholongi Debata.

3)        Unang Mandao Sian Debata. Ragam cara na binahen ni Debata asa unang mandao hita sian ibana. Tongon di bagasan turpuktaon, dibahen Debata cara na lambok laho manogihon hita asa solhot tu Ibana. Songon sahalak jolma na mangarayu jolma, asa boi na hinalomohon ni ibana i gabe mangoloi tu ibana. Boi digambarhon ditupuk on Debata sai hira mangelekelek manang ‘mangarayu’ jolma I asa torus solhot tu Ibana. Di ayat 10 didok:”… Hehe ma ho, ale hasoloan ni rohangku, na mauliutus, jala ruar ma ho!”

4)        Ndang alani hatauon ni jolma, alai ala asi ni rohaNa do. Berengonta ma, ia jolma i, ndada ala na patut umbahen na dihaholongi Debata. Alai ala inisiatif ni Debata sandiri do. Ndang diloas hita gabe maup; mago manang mate di bagasan dosa. Dilehon di hita na dumenggan ima upaya ni Debata laho paluahon hita. Ndang dipasombu hita mandalani hangoluanta sandiri, alai tongtong didongani hita. Ido sipeopon ni rohanta asa manongtong rohanta tu Debata.