Kolosse (Kolose) 1: 1-14 Mamaritahon huhut Mangulahon Hata ni Debata

 

Nats	Kolosse (Kolose) 1: 1-14
Topik/ Tema/ Judul	Mamaritahon huhut Mangulahon Hata ni Debata

 

1)    Panghobasion dohot Parbaritanaulion na pinatupa ni Apostel Paulus. Apostel Paulus tardok do salah satu tokoh pekabar injil tersukses sepanjang masa. Nang pe ndang apala jumpang ibana dohot Tuhan Jesus secara langsung (ala beda partingkian), alai Apostel Paulus do paling godang jala bidang laho pararathon Barita Nauli lobi sian angka na pinatupa ni sisean ni Tuhan Jesus, termasuk ma di turpuktaon sahat tu huta Kolosse. Huria Pilippi dohot Kolosse tarbarita do ianggo ruas ni Kristus na burju. Disurat na nitongos ni ibana laho marningot angka pambahenan ni halak Kolosse dung ditanda Tuhan Jesus gabe burjunasida.

2)    Bimbingan na berkelanjutan. Sada metode na denggan na pinatupa ni Apostel Paulus ima torus mamparrohahon (memantau) perkembangan iman ni angka na nijamitaina. Dibereng ibana pangkorhon hat ani Debata gabe manguba jolma i adong peningkatan iman dohot holong ni roha. Jala i do nian sasintongna keberhasilan Hata ni Debata, ndang boi dinilai jolma, alai intap ni naboi unang ma nian marisuang Hata ni Debata alai marlapatan situtu do Hata na Badia i. Angka manfaat Hata ni Debata: asa taboto na patut parangehononta (1 Timotius 3: 15) dohot 2 Timotius 3: 16-17 mandok: “Ai nasa Surat i, sinihathon ni Debata do; jala hasea mamodai, maminsang, pauliulihon, manogunogu di bagasan hatigoran, asa rimpas halak ni Debata, hobas tu nasa ulaon na denggan.” Jadi marpanumpak tu na denggan ianggo Hata ni Debata, apalagi molo tangkas taulahon. Tuhan Jesus Kristus mameakhon ojahan alai Apostel Petrus doho Paulus ma mangudutisa. Jala ingkon torus ma Hata ni Debata I taulangulangi.

Ruas ni Tuhanta na Masitungkoltungkolan. Ruas Kolosse gabe sada sitiruon tu ganup komunitas ni angka na porsea. Na parjolo, Hata ni Debata mampangkorhon jala marparbue di bagasan ngolunasida. Parsombaon manang peribadatan na dipataridahon di bagasan ngolu siganupari. Dung I partinandaan tu Debata ingkon boi mai manguba ngolunta sian na holom i gabe hatiruon, sian na gale gabe gogo, sian na losok gabe ringgas, sian naso adong gabe adong, sian na sala gabe tingkos, dna. Na mangihut muse gabe ruas na masitungkoltungkolan ma nasida (saling mendukung). Prinsip saling mendukung pe ingkon taparsiajari tarlumobi adong karakter (bangko) sihabatakonta na cenderung egois, agak maol dope laho marserep ni roha, mengapresiasi dohot saling mendukung. Porsea do hita ia bangko boi do dirubah. Songon panghirimon ni Apostel tu Huria Kolosse, songon i dihirim Tuhan Jesus tu hita, asa lam tamba tingki lam suman tu Kristus (Imitatio Christo). Amen