Maleaki (MALEAKHI) 3: 13-18 HADAULATON DI ADOPAN NI DEBATA

 

Maleaki (MALEAKHI) 3: 13-18

HADAULATON DI ADOPAN NI DEBATA

1.         Maleaki sian hata dasar ‘Mal’akhi’ na marlapatan suruanKu / suruan ni Debata. Ima suruan laho parade dalan ni Jahowa. Buku Maleaki disurathon dung dipauli muse Bagas Joro di Jerusalem (tingki 516/515 sM). Gomos do Panurirang Maleaki laho mandok asa sude angka Malim dohot Bangso Israel laho padengganhon hadaulaton nasida tu padanna dohot Debata. Dibereng ibana do na godang sipatureon di Bangso Israel tarlumobi di parsombaon nasida tu Debata, diparngoluan nasida na godang angka pargadombuson (kemunafikan), jala ndang sintong parngoluannasida dipoda na nilehon ni Debata dohot kemerosotan moral na lam rarat. Di Buku ni Maelaki tanda do songon Panurirang dohot Malim na berintegritas na mangolu sezaman raphon Ezra dohot Nehemia, jala diangka soara napisahatna laho mangondolhon Hasatiaon tu Padan dohot Debata, mangalo angka parsaombaon na marsipaulaula dohot mangalo angka na mambuat Bagian ni Debata (pelean dohot perpuluhan).

 

2.         Sungkun-sungkunnasida tu Debata (ay. 13-15). Marhite Panurirang Maleakhi bindu 3 tarida do panghataion ni bangso I maradophon Debata dohot gaya bahasa na dialektis hira marsialusalusan do nasida dohot Debata. Tarida do I diangka ayat sebelumna hira diparsoalhon bangso Israel I do Debata. Godang na diperdebathon nasida taringot tu aha na binahen ni Debata dohot angka na masa diparngoluan nasida. Tarida do disi na so adong be biar ni rohanasida maradophon Debata, hape Holong ni roha ni Debata manongtong do tu nasida. Diramoti Debata do nasida di pardalanna tarlumobi dung mulak sian habuangan Babel. Tangkas do asi ni roha ni Debata; diangka pambahenan ni Debata tu nasida sahat ro dipaulihon Bagas Joro, hape dang manongtong roha nasida tu Jahowa, jala manimbil do angka pangalaho nasida sian padanna tu Debata. Gariada hira diparsoada nasida do angka pambahenan ni Debata marhite angka pangalaho na lumlam, dang diakui nasida holong ni roha ni Debata (Bdk. Mal. 1: 1).

Godang panghataion nasida na manghalupahon denggan basa ni Jahowa, bahkan mangalo dohot hatanasida na mandok: “Tung aha ma hatahatanami dompak Ho?” (ayat 13) dohot di ayat 14 didok “Ndang adong labana oloan Debata, tung aha ma parlabaannami ala huradoti hami tonana, jala martujung hami di adopan ni Jahowa Zebaot?”. Sian sungkunsungkunnasida I dipatuduhon do hatangkangon ni rohana di adopan ni Debata. Tontu dosa do i mansoadahon huaso dohot gogo ni Debata manang na mangaleai Debata nama i. Denggan do laho manulingkiti haporseaon, songon si Jakob na marsiranggut di topi sunge Jabok, alai diparsangapi ibana do hadirion dohot pasupasu ni Tuhan Jahowa. Molo adong pe angka sungkunsungkun manang keluhan tu Debata, bagian ni pergumulan iman ma nian I laho padimposhon haporseaon tu Debata, ndang gabe dang parduli manang lam mandao sian Tuhan I songon pandok nasida di ayat 15: “Nuaeng pe ianggo hami angka halak na jungkat do huparhatua hami; tongon tahe, lam mardohar do angka siulahon hajahaton; gari Debata di unjuni nasida do, hape malua do nasida sian jea.” Molo tung pe dipergumulhon angka na masa di ngoluon naeng ma gabe hasangapon di Tuhan I, ndada sabalikna gabe paroahon manang mamparsoada naung jinalona sian Tuhan i.

 

3.         Ngolu na sintong di adopan ni Debata (ay. 16) Alai nang pe songoni pangalaho ni Bangso Israel, disuru do naposoNa Panurirang Maleaki na tongtong manghirim hamubaon ni roha dohot pangalaho, ai Tuhan Debata pe dipaima do hamubaonnasida. Molo pe diunjuni nasida Debata, diharophon do asa mulak nasida tu Debata. Asa naeng ma nasida biar mida Jahowa marhitehite na sai tongtong mangulahon lomo ni roha ni Tuhan i. Sada tanda ni halak na porsea tu Debata, ingkon tongtong do sintong ngoluna. Marhite Panurirang Maleaki manjou tu hamubaon ni roha, ragam ni angka dosa na masa hatiha i:

Na so mabiar be nasida tu Debata, gabe marsilomolomo mangulahon dosa, manghaporseai debata sileban, pangalangkupon, manghatahata dohot mangose padanna tu Debata, mamogo angka halak na metmet. Angka i ma siubaon nasida asa unang sanga ro uhum sian Tuhan Debata. Naeng ma masipaingotan ma angka sihabiari Jahowa, asa unang adong na mago sian nasida. Sian asi ni roha dohot pambahenan ni Debata, dihirim do asa halak na porsea I, mangolu tongtong dibagasan hasintongan.

4.         Tumpal ni Halak partigor dohot na manghabiari Jahowa (ay. 16-18) Ditangihon jala diparrohahon do angka na mabiar mida Jahowa. Tarsurat diadopanNa sada buku parningotan di halak angka sihabiari Jahowa dohot angka na pasangap goarNa. Gabe nampuna ni Debata ma nasida, songon holong ni amaama tu ianakhonna. Disima tarida hasurungan ni halak partigor martimbangkon halak parjahat, hasurungan ni halak sioloi Debata, martimbangkon halak na so mangoloi ibana. Alanii sai muba ma angka pardosa i tumadinghon dalanna, jala manongtong ma angka na porsea i. Diujungna tarida ma keadilan ni Debata, dapotan pasupasu ma angka halak partigor i jala ditingkina hona uhum ma angka parjahat na mangalo tu Debata, alani monang do angka na porsea i. AMEN

Yeremia 32: 40 PEMULIHAN DARI TUHAN

 

Yeremia 32: 40

PEMULIHAN DARI TUHAN

Ada beberapa kata dari Bahasa asing yang kini sering kita dengar dalam sehari-hari, misalnya reformasi= yang berarti penyusunan ulang, reuse yang berarti penggunaan ulang, refresh yang berarti penyegaran ulang, rekonsiliasi yang perbaikan ulang atau pemulihan. Dalam kata yang diimbuhkan re- adalah pekerjaan yang telah dilakukan sebelumnya, tetapi diperbaiki kembali atau ditingkatkan. Demikian juga kisah umat Tuhan yang diceritakan dalam nats hari ini yakni Yerusalem dan Yehuda yang diperbaharui oleh Allah. Mereka yang sudah buruk; menyimpang dari Tuhan, terabaikan oleh Tuhan, menderita oleh karena dosa dan kesalahannya, kini mendapat pengasihan dari Tuhan. Oleh karena itu Tuhan Allah berjanji untuk memulihkan umatNya. Tuhan Allah tidak membiarkan umatNya sengsara dan tidak membiarkan umatNya mati di dalam dosanya.

            Ada hal besar yang harus selalu kita syukuri yakni kasih setia Allah; yang berarti bagaimanapun kondisi setiap manusia, Tuhan Allah tetap memberikan jalan yang terbaik. Kita adalah orang-orang yang beruntung oleh karena Tuhan Yesus Kristus. Seperti dalam Mazmur 103: 10 “Dia tidak memperlakukan kita berdasarkan dosa kita dan tidak menghukum kita setimpal dengan kesalahan kita”. Seandainya Tuhan Allah bertindak sesuai dengan perbuatan kita, maka tidak ada seorangpun yang layak hidup di hadapanNya, semua akan musnah oleh karena dosa-dosanya. Sejenak Tuhan memalingkan wajahnya, tetapi tidak untuk selamanya. Tuhan Allah kembali menunjukkan kasihnya kepada kita. Dalam nats hari ini disebut “Aku tidak akan membelakangi mereka, melainkan akan berbuat baik kepada mereka”. Kita patut bersyukur karena Tuhan selalu mengutamakan hukum kasihNya.

            Adapun maksud dari pengasihan Tuhan, adalah untuk kebaikan kita juga. Dia tidak membiarkan kita menjauh darinya, Dia menginginkan kita agar tetap berada dalam keselamatan. Sebenarnya semua perjalanan kehidupan kita mempunyai arti agar kita selalu mengingat Tuhan dan berpedoman kepadaNya. Pada saat kita berduka, maka Ia menghibur. Pada saat kita lemah maka kita dikuatkan, Tuhan mengetahui beban kehidupan kita dan Dia menopangnya karena ia tahu kemampuan kita yang terbatas. Dia mengizinkan penderitaan, tetapi tidak mungkin Tuhan memberikan penderitaan di luar dari ketahanan kita. Seperti gambaran kasih Tuhan kepada bangsa pilihanNya, demikian juga kasih Tuhan kepada kita yang telah ditebusNya. Penggalan kalimat ayat hari ini: “Aku akan menaruh takut kepadaKu dalam hati mereka, supaya mereka jangan menjauh dari padaKu”. Tuhan Allah menyampaikan pengajaran bagi kita semua, bahwa hanya Dialah yang patut untuk disembah. Tuhan Allah menginginkan agar umat ciptaanNya, senantiasa setia dan hanya menyembah kepadaNya. AMIN

 

Mangurupi Sian Nasa Haholongon

 

 

Epistel Minggu	3 September 2023
Nats	2 Kronika (Tawarikh) 9: 1 - 8
Topik	Mangurupi Sian Nasa Haholongon

I.                   Patujolo

Buku Kronika (Tawarikh) tardok agak jarang dipangke gabe turpuk ni jamita, ala buku Kronika pada umumna ima buku na marisihon angka tarombo dohot angka barita habisuhon ni raja Israel. Deba angka pande mandok buku Kronika ima na sinurathon ni horong Malim (sumber P/ Priest) dung mulak bangso Israel sian habuangan Babel + taon 538 sM, alai deba mandok si Ezra do manurat laho pabangkithon semangat ni bangso Israel laho paimbaruhon bangso I. Alai na pasti maksud ni panuratan ni Buku Kronika ima paingothon bangso i, di masa kejayaannasida asa boi hinsat nasida dung mulak sian habuangan Babel. Turpuk on 2 Kronika 9: 1-8 sarupa dohot na tarsurat di  1 Rajaraja 10: 1-13. Diungkap angka sejarah laho manghehei jala paingothon nasida songon bangso naung pinasupasu ni Tuhan Debata.

II.                Hatorangan

Ay. 1-2: Tarbarita do habisuhon ni Raja Salomo sahat tu saonari, tarlumobi di zamanna pola do raja boruboru (ratu) ni Saba (Syeba) ima si Makeda mambege barita taringot tu Raja Salomo jala ro ibana mebat rap dohot paranganna tu Jerusalem laho pajumpa dohot Raja Salomo. Dipatorang do haroronasida mamboan na hushus marragamragam dohot sere mansai godang dohot mata intan. Hatiha i Saba ima harajaon na mamora siala gok serenasida dohot perdagangan na hebat (Saonari negara Yaman). Didok haroro ni raja sian Saba ima laho masiujian dohot marundangundang tu raja Salomo. Songon haroro ni sahalak raja laho manopot sahalak raja mardongan hatongamon dohot ragam ni haporluan. Dipatorang si Salomo tu nasida sude sungkunsungkunna, jala ndang adong na buni nanggo sada sian roha ni si Salomo.

Ay. 3-5: Longang ma roha ni raja sian Saba i mamereng si Salomo sian sude hal ima hapistaran dohot habisuhon ni Raja Salomo dohot bagas na pinaulina i, dohot angka panjangkonon na luar biasa  marhite haradeon sipanganon di meja, tole partordingna hundul angka naposona, tole panagam ni angka parhaladona dohot pangkeannasida, tole angka sitahu anggurna dohot pangkeannasida, tole partanggaonna laho nangkok tu joro ni Jahowa, jadi hira na tarmali tondinasida. Nunga taruji habonggalon ni Raja Salomo, ndada holan di bagasan harajaonna, alai sahat tu portibi. Di bagasan panghilalaan na gok halongangan raja sian Saba mamuji raja Salomo, ai ndada holan barita alai lobi sian barita i nunga dibereng si Makeda i hahebaton ni raja Salomo.

Ay. 6-8: Pamujion ni raja sian Saba siala longang rohana. Tontu sahali rasa kagum ndang na dibahenbahen, alai na timbul do i sian roha siala sian na tebereng i tung mansai uli. Didok raja sian Saba i: “Martua ma halak parhaladom, martua ma dohot angka naposom, angka na tongtong marhalado di adopanmu pabegebege hapistaranmu!”. Alai ndada holan i, pola do dipuji ratu i na hinaporseaan ni Raja Salomo ima Tuhan Jahowa. Pola do na so parangan ni Debata mamuji Tuhan Jahowa siala halonganganna mamereng raja Salomo.

III.             Sipahusorhusoron

1)      Habisuhon na sian Tuhan Debata. Dilehon Tuhan Debata do habisuhon tu Raja Salomo, marhite habisuhon i, gabe boi ibana patupahon na dumenggan jala mamboan harajaon Israel gabe balga, mamora jala tarbarita. Taruli raja Salomo disaluhutna, siala pangidoanna ima pangidoan na arga sian Tuhan Debata ima habisuhon. Saleleng mangolu ibana di bagasan Hata ni Debata gok ma pasupasu dohot pandonganion ni Debata, alai dung lipe ibana sian dalan ni Debata ima na gabe bonsir ni kemunduran ni harajaon Israel. Di bagasan Tuhan Debata do hita gabe marbisuk.

2)      Gabe Parhitean ni Debata. Gok do huaso ni Tuhan Jahowa laho manontuhon angka sangkapNa, alai naeng do tapangidohon asa dohot hita gabe parhitean ni Debata songon raja Salomo na mambahen tarlongang raja sian Saba dohot angka paranganna, gabe dipuji nasida Tuhan Debata, na hinaporseaan ni raja Salomo. Sialani i tarjou hita laho mangulahon Hata ni Tuhan, jala dohot nian hita gabe parhitean ni Debata di angka sangkapNa. Marhite hita gabe taruli pasupasu humaliangta, Tuhan Debatanta gabe ditanda halak, gariada gabe dohot nasida mamuji Tuhan i.

3)      Asa Gabe Pasupasu. Mangungkap batas-batas ni pangantusion ia halak na tarpasupasu holan kelompok tertentu, misalna mangalo pangantusion na mandok ia na dipasupasu Tuhan Debata ima holan na sahaporseaon, gereja-gereja tertentu, holan suku manang marga-marga tertentu, alai hurianta ima pardomuan ni halak Kristen sian sude marga, houm dohot bangso di Indonesia dohot di sandok portibi on, na tardidi tu bagasan Goar ni Debata Ama, AnakNa Tuhan Jesus Kristus dohot Tondi Parbadia (Almanak HKBP, hlm. 4). Saurdot dohot visi ni hurianta HKBP ima huria na inklusif, dialogis, jala ungkap naung dipasingkop muse asa marhatauon jala marhagogoon pahembanghon parngoluon dohot Misi na mangondolhon pahinsathon mutu ni hangoluon dohot hakristenon dohot prinsip gabe pangoloi, sira dohot panondang, pajongjong hatigoran, hadameon dohot hasadaon na tinompa (AP HKBP 2002 Dung Amandemen III, hlm. 9).