PARTANGIANGAN BONA TAON AMA HURIA

 

I.                   PARTANGIANGAN BONA TAON AMA HURIA

 

01.    Marende BE No. 10: 1-2 Hupuji Hupasangap Ho

Hupuji hupasangap Ho, Amang pardenggan basa!

Ai jadijadianMu do sude angka na masa.

Ditompa Ho do sasude, Dagingku rodi tondi pe, Pinuji ma goarMu.

Saluhut na tinompaM i naeng sonang di rohaMu,

Arian dohot borngin pe disarihon rohaMu

Nang uhum digomgomanMi, na tigor, na sintong do i. Pinuji ma goarMu!

 

02.    VOTUM  - INTROITUS – TANGIANG

            (L= Liturgis;      A= Ama;      S= Sude)

            L             :   Di bagasan goar ni Debata Ama, dohot goar ni AnakNa Tuhan Jesus Kristus, dohot goar ni Tondi Porbadia Na tumompa langit dohot tano on.

            S             :   Amen!

            L             :   Patimbulonku ma Ho, ale Debatangku, Ho ale Raja, jala pujionku ma GoarMu ro di salelenglelengna.

            A             :   Ganup ari do pujionku Ho, jala pasangaponku goarMu ro di salelenglelengna.

            L             :   Sai pingkironku do hinauli ni hamuliaonMu na sangapi, dohot angka barita ni halongangan angka na binahenMu.

            A             :   Na bonar do Jahowa di saluhut angka dalanNa jala basa di bagasan saluhut jadijadianNa i.

            L             :   Donok do Jahowa di sude angka na manjou Ibana di bagasan hasintongan.

                        Martangiang ma hita :

                                                Ale Tuhan Debata na so marmula na so marpansohotan, Debata na manongtong ro di saleleng ni lelengna! Na so olo suda do angka taonMu, jala ndang marparbolatan angka ariariM, alai jempek jala na gabur salpu do taonnami dohot ariarinami.

            A             :   Mansai godang do denggan ni basaM hujalo hami manipat taon na salpu i, jala huingot hami do i sadari on di bagasan Partangiangan Bona Taon Punguan Ama di tonga ni HuriaM on. On pe mauliate ma rohanami tu Ho, ala dipangolu jala diramoti Ho do hami, dilehon Ho hangoluan di hami jala dipasupasu Ho na niula ni tangannami.

            L             :   Mansai godang do hahurangannami alai sai dihuphupi Ho do i marhitehite asi ni rohaM. Sai togutogu jala ramoti ma hami ganup ari di angka dalan sidalanannami dohot ulaon siulaonnami.

            S             :   Tangihon ma Tuhan tangiangnami on marhitehite Anak haholongan ni rohaM, Tuhan Jesus Kristus. Amen.

 

03.    Marende BE No. 443: 1 Dung Tuhan Jesus

Dung Tuhan Jesus nampuna au, songgop dameNa, biarhu lao,

taripar gogo, ngoluNa i, nasa dosangku naung sae do i.

Tabaritahon holongNa i. Di dia Tuhan, tudoshon i?

Tuk manumpahi, tarlobi da? Sasada Jesus, pinuji ma!

 

04.    MANJAHA AYAT: ROM 12: 1-6

         L          :  Na huapoi ma hamu, ale angka dongan, marhitehite asi ni roha ni Debata: Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha.

         A         :  Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan.

         L          :  Ai marhite sian asi ni roha na nilehonna tu ahu, hupaingot ma ganup hamu: Unang ma torbang rajumi hamu dirimu, lobi sian na patut; alai intap ni na tama ma parrohaonmuna: Ganup marguru tu godang ni haporseaon na tinurpukkon ni Debata tu ibana.

         A         :  Umpamana: Torop do ruas di dagingta, alai ndada saulaon ruas i sude: Songon i do hita: Torop sadaging di bagasan Kristus, alai ruas be' do hita sama hita.

         L          :  Ganup manjalo silehonlehon marguru tu ragam ni asi ni roha na tinurpukkonna tu hita: Ia panurirangon, naeng ma mardomu tu haporseaon.

Ima sahatna! Martua do angka na tumangihon hata ni Debata, jala na umpeopsa!

         S          : Amen.

 

05.    Marende BE No. 417: 1+3 Rade Situtu Haluaon

Rade situtu haluaon, na naeng tangkuponmu antong.

Rade nang di ho hatuaon, sihalashononmu tongtong.

Bernit do ditaon Tuhanmu pasaehon dosam sasude.

Tung unang paujat Ibana, sai jangkon panghophopNa i.

PanghophopNa i parangehon, pasangap TuhanMu antong,

Ibana buas mangalehon tu ho hasonangan tongtong.

Sandok sian holso malua, nang sian biarmu sude,

Sonang nama ho na martua, manghirim tongtong surgo i.

 

06.       TANGIANG PANGONDIANON

 

07.    Marende BE No. 518: 1 Marsinondang Dibaen Jesus                                    

Marsinondang dibaen Jesus asi ni rohaNa i,

Jala hita do disuru asa tapaboa i.

Tapagalak palitonta, tapatiur dalan i,

Ai torop dope na lilu, sai hatop ma mulak i.

 

08.    JAMITA / RENUNGAN:

 

09.    Marende BE No. 697: 1…  Molo Ho Do Huihuthon (P. Pelean)

Molo Ho do huihuthon dame sonang rohangki,

sai horas jala martua nasa na hinophopMi.

Ho tongtong ihuthononku, Jesus na palua au.

Ho sambing do oloanku ala nii martua au.

Na rade do au manaon mangasahon padanMi,

molo ho na margogoihon talu haholomon i.

Ho tongtong ihuthononku, Jesus na palua au.

Ho sambing do oloanku ala nii martua au.

(Musik)

Hupelehon ma diringku mangihuthon lomoM i,

ndada be na olo salpu na manggohi rohangki.

Ho tongtong ihuthononku, Jesus na palua au.

Ho sambing do oloanku ala nii martua au.

 

10.    TANGIANG PANUTUP - ALE AMANAMI - PASUPASU

         AMEN… AMEN… AMEN!

 

 

II. ACARA BONA TAON

(ACARA TERSENDIRI)