Kolosse 2: 6-19 Debata Na Satia Di Bagasan Holongna

 

Nats	Kolosse 2: 6-19
Topik/ Tema/ Judul	Debata Na Satia Di Bagasan Holongna

 

1)      Parange ni Siihuthon Jesus Kristus. Marudut muse bimbingan haporseaon tu halak Kolosse. Dung sahat barita nauli tu nasida gabe ditanda Tuhan Jesus Kristus jala ngolu nasida pe gabe berubah lam tu dengganna. Alai tongtong do dipaingot Apostel Paulus asa manongtong haporseaon nasida holan tu Tuhan Jesus Kristus. Dihirim do sian turpuk on asa halak Kristen i manghangoluhon haporseaonna tu Tuhan Jesus. Dung tajangkon Tuhan Jesus naeng do saurdot haporseaon dohot pangalahonta na hombar tu Tuhan Jesus, nang pe ndang boi hita singkop alai sada dasor di hita ima maniru Tuhan Jesus. Tontu gabe halomoan ni Debata do hita molo taihuthon manang tatiru Tuhan Jesus intap ni na tolap hita (maksimal).

2)    Mampartahanhon Haporseaon. Ra mura do laho pajongjonghon alai ulaon na ummaol ima laho mampartahanhon. I do na ni jaga ni Apostel Paulus asa unang adong na mintop haporseaonna. Ala ganjang, marragam, jala bidang do hangoluan na tadalani on boi doi gabe sada tantangan laho mampartahanhon haporseaon. Adong do na madabu alani hansit ni parngoluan, alai laos adong na madabu alani patabohu parngoluanna i. Dison ma nian Hata ni Debata laho mengawali hita asa togu jala marurat haporseaonta.

Disosohon do tu halak Kolosse asa unang olo dielaela haportibion on, tarlumobi na masa hatiha i angka parbinoto (ahli filsafat) na sai mardalandalani di pasaran laho manait haporseaon ni angka ruas i. Partingkian saonari ndang pola be nian masa si songoni alai sai adong do masa rumang na sarupa tusi ima angka penyebaran ajaran sesat na mambahen lilu godang halak Siihuthon Jesus.

 

3)    Sada Raphon Tuhan Jesus. Dungkon haluaon na pinatupa ni Tuhan Jesus, gabe ingkon tasadari ma hasadaon na binahen ni Tuhan Jesus tu hita. Tasadari ma hita on nunga bagian ni Tuhan Jesus, jala Tuhan Jesus pe bagian ni dirinta, jala ndang boi I nian tarsirang. Lapatanna ganup halak Kristen ingkon menyadari bahwa ibana nampuna ni Kristus, laos dipahombar ma ngoluna tu lomo ni roha ni Kristus. Tuhan Jesus ima Debata na gabe daging (jolma) manang gabe perwujudan na nyata. Laos hita di bagasan Ibana, jala Ibana di bagasan hita. Sialani i nunga rap hita dohot Tuhan Jesus di bagasan pandidion, hamatean dohot haheheon. Arga do hita di tobus Tuhan Jesus, asa gabe sarupa hita dohot ibana, alani i sada tugas na borat di hita ima laho mampartahanhon haporseaon naung nilehon ni Debata tu hita. Amen

4)