Galatia 3: 23-29 Gabe Angka Anak ni Debata Marhite Haporseaon Di Jesus Kristus

 

Nats	Galatia 3: 23-29
Topik/ Tema/ Judul	Gabe Angka Anak ni Debata Marhite Haporseaon Di Jesus Kristus

 

 

1)      Halobian ni Patik. Di Padan na robi dilehon Debata do Patik marhite si Musa. Taida ma jolo halobian dohot lapatan ni patik. Maksud dohot Tujuan ni Debata marhite patik i, asa lam hombar do jolma i suman tu Debata. Suman nanimaksud asa badia, ndang adong na hurang, sude denggan. Hakikat ni patik i tung mansai denggan do molo diulahon sudena di bagasan hata na asing boi do dohononta patik i nunga singkop / ndang adong na hurang (perfek, sempurna). Alani i pe nang pe jotjot dipangke patik songon perbandingan ajaran alai ianggo patik ndang boi dipamago manangna diparsoada. Manang ndang boi dohononta ianggo patik i holan nampuna ni halak Israel kuno alai dilehon Debata tu sandok jolma.

2)      Hagaleon ni Patik. Secara prinsip songon hatorangan na dipaboa diginjang ianggo patik i denggan do na sasintongna. Alai porlu dijamothon ima penafsiran dohot praktek ni patik na jotjot mansalai. Ndang boi gabe mardebatahon Patik songon halak Israel kuno namambahen misnah dohot talmud na dijabarhon sian patik i, justru gabe mambahen nasida gabe ginjang marroha, ndang adong be holong, kemunafikan, dna. Angka sisongoni do na dikritisi ni Tuhan Jesus uju manghobasi. Di turpuk sadarion (ay. 23) patik I gabe manghinsu, molo dibereng secara uhum. Na mangihut muse ndada adong jolma na boi mangulahon patik I dohot singkop. Alani ndang boi patik gabe dasor ni haluaon, ala molo patik do suhatsuhatna ndang adong be jolma na boi tarpalua sian dosanabe.

3)      Parjumpangan ni Patik dohot ajaran ni Tuhan Jesus. Porlu diondolhon ianggo haroro ni Tuhan Jesus ndada laho manegai patik alai Ibana ma singkat ni hita na mangulahon patik dohot singkop. Tong do tapangke patik; di halak Kristen jala di halak Protestan dipangke do patik si ganup minggu. Songon sormin asa boi mamereng tu bagasan ngolunta siganup ari, asa unang manimbil hita sian angka dalan na nilehon ni Debata, jala molo taulahon patik denggan ma mardalan parngoluan di kemasyarakatan, tertib, ndang adong kejahatan, jala ndang manusai dongan jolma. Songon pemandu na patuduhon angka dalan isara rambu-rambu lalu lintas naung niaturhon ni pemerintahan na bersangkutan dohot harapan mangorui angka parmaraan. Jadi tung mansai denggan do patik i gabe dalan pajonokhon tu na pinangido ni Tuhan Jesus.

4)      Haimbaruon di Bagasan Tuhan Jesus. Sada contoh napinatuduhon ni Tuhan Jesus mangalapati patik ima na tarsurat di Luk. 13: 10-17 Tuhan Jesus pamalumhon sahalak parompuan na suhung di ari Sabat na gabe perdebatan ni angka Siboto patik boasa pola ingkon pamalumhon di ari sabat ari diorai do mangula di ari sabat i, dipatupape i ima mangulahon holong; roha na mamparngoluhon, (boi tajahama muse katekhismus na metmet). Alani haimbaruon na binoan ni Tuhan Jesus gabe dohot hita taruli, ndada holan Jahudi, angka tuan, manang baoa, alai ganup ise na olo porsea di Tuhan Jesus gabe dapotan haluaon. Amen