ACARA PARTANGIANGAN NA SORANG (SYUKURAN ANAK LAHIR)

 

ACARA PARTANGIANGAN NA SORANG (SYUKURAN ANAK LAHIR)

KEL. XXX

JL. XXX

MINGGU, XXX

 

1.  MARTANGIANG NA HOHOM

 

2.  MARENDE BE. No. 565:1 + 4          “LAS ROHANGKU LAO MAMUJI”

Las rohangku lao mamuji Debata Parholong i, Songon bunga na mangerbang di na binsar ari i, Arsak, dosa, haporsuhon, mago dibaen asiMi, Las ni roha na manongtong lehon di au Tuhanki.

Rap ma hita mangendehon, sangap di GoarNa i, Tapangiar soaranta lao mamuji Tuhan i, Sun do holong ni rohaNa na so marnamontok i, I do pasadahon hita salelenglelengna i.

 

3.  VOTUM – INTROITUS - TANGIANG.

L :   Dibagasan roha mauliate tu Debata, tapungka ma partangiangan on dibagasan Goar ni Debata Ama dohot goar ni AnakNa Tuhan Jesus Kristus, dohot goar ni Tondi Parbadia na tumompa langit dohot tano on. Amen. Ari on do  na jinadihon ni Jahowa, marolopolop jala marlas ni roha ma hita disi. Beta ma hita manungkap marsomba, marsinggang ma hita tu adopan ni Debata Jahowa, sitompa hita.

R :   Ai Ibana do Debatanta, jala hita bangso pinarmahananNa, jala birubiru niiringiring ni tanganNa.

L :   Marolopolop ma hamu, ale angka partigor, mangasahon Jahowa talup do marende angka na unjur marroha. Marlas ni roha ma hamu, ale angka partigor dibagasan Jahowa, jala puji hamu ma goarNa na badia i.

R:    Pinuji ma Debata, na sai manangihon tangiangki jala mangalehon asi ni rohaNa di sude pardalanan ni ngolungku. Sai pujionku do angka pambahenan ni Jahowa, sai ingotonhu do halongangan angka na binahenNa i sian na robi.

L :   Na denggan situtu do na mamuji Jahowa dohot mengendehon goarMu, ale na tumimbul! Mamaritahon asi ni rohaM manogotna i dohot hasintonganMi bornginnai. Haleluya! Martangiang ma hita. Mauliate dipasahat rohanami tu Ho Debata Amanami, ala asi dohot holong ni rohaM na mandongani jala mangaramoti daging dohot tondinami. Nunga dipasahat Ho ale Tuhan basabasaMi sada dakdanak baoa/boru di Keluarga amang xxx / inang xxx di tonga ni bagas on. Antong sai pasupasu ma keluarganami on laho mamboan dohot pagodanggodang dakdanak naung pinasahatMi. Tangihon ma tangiang pangidoan nami on, marhitehite goar ni AnakMu Tuhan Jesus Kristus Tuhannami. Amen.

 

4.  MARENDE BE. NO. 463:1.               “PASUPASUM TONGOSONMU”

PasupasuM tongosonMu,  i  do didok hataMi, Suru TondiM na Badia, bosur bahen

rohangki. HagogoonMu, songgop ma tu rohangkon. Unang sai holan manetek, gohi

sandok diringkon.

 

5.  LITURGI MANDOK MAULIATE

L         : Tung na godang situtu do denggan basaM, na pineopMu di angka na mangkabiari Ho, na binahenMi tu angka na mangkaposi Ho di adopan ni manisia.

R        : Diondingi Ho do nasida marhitehite pangondingan ni bohiM maradophon pandoboon ni jolma, ditabunihon Ho do nasida di bagasan undungundung maradophon pamodaion ni angka bibir.

L         : Tama ingotonta jala hatindanghononta angka denggan ni basaNa. Tung asi ni rohaNa do boi hita marhahipason, jala martambatamba do angka pasupasuNa.

R        : Nunga dipasahat Ho ale Tuhan basabasaMi sada dakdanak baoa di keluarga amang xxx/ inang xxx, jala sai tambai huhut pasingkop ma  las ni roha dohot dame na sian Ho i di ngolu ni keluarganami on.

L         : Ale Tuhan, Sai pargogoi ma nasida laho mamboan dohot pagodanggodang dakdanak naung pinasahatMi di bagasan ajar dohot lomo ni rohaM. Tangihon ma tangiang pangidoan nami on, marhitehite goar ni AnakMu Tuhan Jesus Kristus Tuhannami.  Amen

 

6.  MARENDE BE. NO. 248:2-3            “SALELENG HO DI TANO ON”

Sai songon hau na denggan ho, Ramos parbue ni, Bulungna pe na uli do antong sai tiru i.

Godang do hinauli ni Aek mata i tongtong; Pasuman ma dirim tusi Sai baen

roham sintong

 

7.  TANGIANG  PANGONDIANON :

 

8.   MARENDE  BE. NO.  424:3+5         “SOARA NI TONDI”

Tangihon HataNa parguru ma i, rajumi ruasmu ginomgomNa i.

Pangido: Sai lehon tu au TondiMi, pargogo mangula sandok lomoMi.

Sai tiop tanganNa pangido ma on: Ramoti padungo au siseanMon.

Pasada rohangku manggolom tongtong hataMu na sintong, patogu au on.

 

9.  JAMITA / RENUNGAN :  

 

10.  MARENDE BE. NO. 435 : 1…           “TUHAN BAEN MA NGOLUNGKON” ( PELEAN )

Tuhan baen ma ngolungkon, parbadiai ma di Ho.

Pangke ma nang tingkingkon mamuji pasangap Ho, mamuji pasangap Ho.

Tanganhi di Ho ma i mangulahon holongMi.

Dohot pangalahongki sai hombar tu lomoMi, sai hombar tu lomoMi.

Hata nang soarangki pasangaphon Ho ma i.

Dohot pambahenanhi pararat baritaMi, pararat baritaMi.

 

11.  TANGIANG  PANUTUP -  ALE AMANAMI

Amen-Amen-Amen