Acara Partangiangan Pamuhai Partangiangan Sektor

 Acara Partangiangan Pamuhai 

Partangiangan Sektor/Lunggu/ Wijk/Weyik

01. Tangiang Na Hohom

02. Marende BE No. 1: 1-2 RINGGAS MA HO TONDINGKU

Ringgas ma ho tondingku mamuji Debatanta i.

Ai diparumudumudu ho unang halupahon i.

Disesa do dosamu, didaoni sahitmi. Diudut hosamu, diburi tondimi. Huhut diapulapul roham na marsak I; sa tung humibul mingot uhumNa i.

 

Na tolhas do tu hita uhumNa na sumurung i.

Dibaen holong rohaNa di angka na porsea i.

Ai ndada dilaluhon tu hita rimas i. Sai lam dipatuduhon denggan basaNa i.

Ai songon hasundutan dao sian purba i, holang dibaen Ibana sude dosanta i.

 

02. VOTUM – INTROITUS – TANGIANG:

L  :  Marhitehite Goar ni Debata Ama, dohot anakNa Tuhan Jesus Kristus dohot Tondi Parbadia, na manompa langit dohot tano on. Amen.

Sai Ingot ma, ale Jahowa, angka denggan ni basaM dohot asi ni rohaM, ai sian narobi do angka i.

H  :  Asa unang marsuraksurak angka musunghu mida ahu.

L  :  Ale Debatanghu, marhaposan tu Ho do ahu, sai unang paila ahu.

Martangiang ma hita: Ale Tuhan Debata, Amanami na di banua ginjang, Parasiroha na sumurung! Na mandok mauliate ma hami tu Ho sian nasa rohanami, ala dilehon Ho AnakMu na sasada I tu hamatean humongkop hami,

H  :  asa unang mago na porsea di Ibana, alai asa hangoluan na saleleng ni lelengna di nasida.

L  :  Tatap ma hami, ale Amanami di bagasan AnakMu Jesus Kristus, na gabe habadiaon dohot hatigoran di hami.

H  :  Sai sesa ma dosanami saluhut alani pelean na sun denggan, na pinelehonNa i humophop hami.

L  : Sai paeleng ma pinggolMu tu tangiangnami jala asi ma rohaM di hami marhitehite AnakMu, Tuhan jesus Kristus, Tuhannami. Amen.

 

03.       MANJAHA TURPUK EPISTEL: Rom 4: 18-25

L        Tajaha ma turpuk Epistel di pamuhai ni partangiangan on, i ma na tarsurat di Rom 4: 18-25, Maralohon nasa pangkirimon do haporseaonna na mangkirim i, asa gabe ama ni torop bangso ibana, hombar tu hata i: "Songon i ma sogot pomparanmu!"

H     : Ndang na olo gale haporseaonna i paidaida pamatangna na hira so marngolu be, ai nunga saratus taon ne' umurna, nang paidaida si Sara, naung saep ladang i.

L      : Ndang olo ganggu rohana tumadingkon haporseaon di bagabaga ni Debata; na lam tu toguna do tahe haporseaonna jala diparsangapi do Debata.

H     : Ai pos situtu do rohana: Tuk do gogo ni Debata patupahon na pinarbagabagana i.

L      : Ala ni i do umbahen na dirajumi i gabe hatigoranna.

H     : Ndada ala ni ibana sambing, umbahen na tarsurat, naung dirajumi tu ibana.

L      : Hita pe, ditatap do disi, ai sirajumon do nang tu hita haporseaon di Ibana, na pahehehon Jesus Tuhanta i sian na mate.

H     : Ai dipasahat do Ibana ala ni pangalaosionta i,

L      : jala dipangolu siala hatigoranta. Ido sahatna. Martua do angka na tumangihon Hata ni Debata, jala na umpeopsa.

S      : Amen

 

04. Marende BE. No. 670 : 1-2 TARBEGE SOARA NA JOUJOU

Tarbege soara na joujou, tongos ma sondangMi.

Tung torop parbegu di na holom i, tongos ma sondangMi.

Tongos ma barita na uli mandungoi na modom i,

Tongos ma barita na uli mandungoi na modom i.

Tarbege ma angguk na joujou, tongos ma sondangMi.

Taurupi ma angka na lilu i, tongos ma sondangMi.

Tongos ma barita na uli mandungoi na modom i,

Tongos ma barita na uli mandungoi na modom i.

 

 

05. Jamita : 1 Musa 17: 1-7; 15-16

 

06. Marende BE. No. 385 : 1 DIJOUHON JESUS RO HAMU

Dijouhon Jesus ro sude hamu na loja i.

Hutogutogu do ham utu hasonangan i.

Hamu sude pamanat i, hamu ni arahonNa i; tadingkon ni arsakhonmi,

Dompakhon Tuhan i. Sonang ni roha i, sonang ni roha i;

sonang ni roha i dilehon Jesus i.

 

07. Tangiang Sian Sahalak Ruas

 

08. Marende BE. No. 557 : 1 -2 DAO DUMENGGAN

Dao dumenggan asi ni rohaM, dao umarga sian ngolungkon.

Sai pujionhu ma Ho Tuhanhu,

dao umarga sian nasa ngolungku, dao dumenggan asi ni rohaM.

Ala goarMu ro do au tu Ho, herbang tanganhu lao mamuji Ho.

Dao umarga sian ngolungku, dao dumenggan asi ni rohaM.

 

09. Tangiang Sian Sahalak Parhalado

 

10. Marende BE. No. 766 : 1 ….. PADAN NAULI

(PASAHATHON PELEAN)

Padan na uli: Ho ndang hulupahon; ndang pola mabiar au di ngolungki.

Nang pe holom do dalan siboluson, ro do hatiuron sian langit i.

Ho tung so huhalupahon, Au do manogihon Au do mangondihon;

Ho tung so huhalupahon, Au do margogoihon, pos ma rohami.

Padan na uli: Ho ndang hulupahon; i do huhaposi, las ma rohangki.

Tondong nang dongan ndang tarpangasahon, holan Tuhan Jesus haporusanki.

Ho tung so huhalupahon, Au do manogihon Au do mangondihon;

Ho tung so huhalupahon, Au do margogoihon, pos ma rohami.

Molo diungkap surgo tu tondingku, salpu ma luhutna hangalutanhi.

Tarbege ma soara ni Tuhanhu: Naposo haposan bongot ho tusi.

Ho tung so huhalupahon, Au do manogihon Au do mangondihon;

Ho tung so huhalupahon, Au do margogoihon, pos ma rohami.

 

 

 

11.  PAMUHAI NI PARTANGIANGAN SEKTOR:  

U    :   Hamuna angka dongan na hinaholongan! Mauliate ma tadok ala asi ni roha ni Debata nunga paloashon hita bongot tu taon 2024 on jala tapatupa do partangiangan pamuhai di tingki on.

H    :   Denggan basa ni Tuhan Debata nunga sahat tu hita, jala sai tongtong ma hita di bagasan pangaramotionNa.

U    :   Di bagasan goar ni Debata Ama, AnakNa Tuhan Jesus Kristus dohot Tondi Parbadia tapungka jala taulahon ma partangiangan sektor tahun 2024 on, na diuduti muse di bagas ni angka ruas ni Tuhanta.

H    :   Hasangapon ma di Debata na di Ginjang jala pangalapan pasupasu ma di angka na porsea.

U    :   Pos ma rohanta di Debata, lehononNa do las ni roha dohot hagogoon tu hita. Ndang tarasam hita tahe denggan basa ni Jahowa mangaramoti HuriaNa. Alani, patut ma tasomba Ibana jala taoloi ma hataNa. Antong, Tapasahat ma peleanta:

 

12. Tangiang Pelean - Tangiang Ale Amanami - Pasupasu - Amen