PARTANGIANGAN SYUKURAN MAMASUHI BAGAS
1. Marende BE. No. 581: 1+3 Sangap di Jahowa
Sangap di Jahowa na sun timbul i, balga ni holongNa ndang tarasam i.
Dilehon AnakNa na sasada i, manobus hita jolma pardosa i.
Puji ma Debata ale manisia, las roham, las roham, somba ma Debata.
Dapothon Jahowa na sun timbul i, marhite AnakNa Tuhan Jesus i.
Balga situtu pambaenMi Debata, tung sohasuhatan holong ni rohaM.
Tu jolma pardosa asi do rohaM, diungkap Ho dalan lao tu banuaM.
Puji ma Debata ale manisia, las roham, las roham, somba ma Debata.
Dapothon Jahowa na sun timbul i, marhite AnakNa Tuhan Jesus i.
2. Votum-Introitus-Tangiang (L = Liturgis; R = Ruas; H=Hasuhuton, S=Sude)
L : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia. Amen ! Mangasahon Debata sai hamonangan do ulahononta. Ngot ma ho, ale parhinaloan! Tarsunggul ma au di buha siang ari. Pujionhu ma Ho di tongatonga ni angka bangso, ale Tuhan, endehononku ma Ho di tongatonga ni angka marga. Haleluya! Martangiang ma hita: Ale Tuhan Debata, Parasiroha na sumurung. Mauliate ma rohanami tu Ho ala ni godang ni asi ni rohaM di hami. Diurupi ho do hami di ragam ni angka siulaonnami.
R : Dipasupasu Ho do keluarganami dison ima Keluarga amang xxx/ inang xxx boi nasida patupahon bagas on, antong lam tambai ma pasupasuM asa marlas ni roha saluhut angka na bongot dohot haruar sian bagas on.
H : Ale Tuhan na sun timbul ! Dipataru Ho di bagasan hahipason angka ruas ni huriaM dohot angka keluarganami, manghalashon angka halongangan na pinatupaM marhite ngolunami. Pasahat ma tongtong pasupasuM tu nasida,
L : Sai lam pargogoi ma hami ale Tuhan laho manghatindanghon angka denggan ni basaM, marhitehite Jesus Kristus Sipalua hami.
S : Amen
3. Marende BE. No. 4: 3 Sai Puji Debata
Dibahen i tama pujion ni rohanta, Tuhanta Debata, Nang Jesus pe AnakNa,
Nang Pangondian i, Naung ro tu hita on, manggonti Jesus i, pujion do tongtong.
4. MANJAHA HATA NI DEBATA: 3 Musa 26: 10-13
L : Jala panganonmuna ma eme na musang, jala paruaronmuna ma eme na musang i ala eme na imbaru i.
R : Jala pajongjongonku ma ingananku di tongatongamuna, jala ndang marbiasbias rohangku mida hamu.
K : Jala Ahu mardalani di tongatongamuna, jala Ahu gabe Debatamuna, jala hamu gabe bangsongku.
L : Ahu do Jahowa, Debatamuna i, naung manogihon hamu ruar sian tano Misir, asa unang be hamu hatobannasida, jala nunga Ahu mamonggolhon hau ni augamuna, jala Ahu mambahen marsihohot langkamuna. Ido Sahatna. Martua ma halak na tumangihon Hata ni Debata jala naumpeopsa!
S : Amen
5. Marende BE. No. 467: 1 Asi Ni RohaM Hupuji
Asi ni roham hupuji ala Ho manobus au. Dipaias Ho rohangku, gabe soranganMu au.
IngananMu rohanami, TondiM i manggohi i. Pangke dohot ngolunami gabe ulaulaM i.
6. MANDOK MAULIATE TU DEBATA
L : Halleluya! Puji hami ma Debata di bagasan habadiaonNa I, puji hamu ma Ibana di hajanghajang ni hagogoonNa i. Mauliate sian nasa rohanami ale Tuhan alani pasupasuM tarbahen hami mamongoti bagas on.
R : Patimbulonku ma Ho ale Debatangku, Ho ale Raja, jala pujionhu goarMu ro di salelenglelengna. Ale Tuhannami, pasupasuma Keluarga ni amang xxx/ inang xxx rap dohot ianakhon dohot keluarga mangingani bagas on.
H : Halleluya! Ale Tondingku, puji ma Jahowa. Sangap ma di Jahowa na mangalehon hagogoon di hami laho paulihan bagas on. Sai lam martinangi ma Debata di angka tangiangta.
L : Ale Tuhan Debata na so marmula jala na so marujung, Ho do ale Tuhan hagogoonnami. Pasupasu ma nasida ale Tuhan, asa marhite bagas on gabe tarbarita goarMu jala marlas ni roha na ruar dohot na bongot sian bagas on. Porsea do hami pasahatonMu do saluhut na ringkot hombar tu tingkina, tarlumobi pasupasu partondion na hujalo hami sian AnakMu Tuhan Jesus Kristus na sorang tu portibi on.
S : Amen
7. Marende BE. No. 714: 4 Tuhan Na Marmahan Hami
Pabotohon ma tu hami siradotannami i.
Tuhan gohi rohanami dohot haholongonMi.
Tuhan Jesus Sipalua, ndang tarasam holongMi. Tuhan Jesus Sipalua, ndang tarasam holongMi
8. TANGIANG PANGONDIANON:
9. Marende BE. No. 463:1. PasupasuM TongosonMu
PasupasuM tongosonMu, i do didok hataMi, Suru TondiM na Badia, bosur bahen
rohangki. HagogoonMu, songgop ma tu rohangkon. Unang sai holan manetek, gohi
sandok diringkon.
10. JAMITA / RENUNGAN:
11. Marende BE. No. 724:1,3-4.... Tuhan Baen Ma Ngolungkon (Papungu Pelean)
Tuhan baen ma ngolungkon, parbadiai ma di Ho. Pangke ma nang tingkingkon,
mamuji pasangap Ho, mamuji pasangap Ho.
Hata nang soarangki, pasangaphon Ho ma i. Dohot pambahenanki,
pararat baritaM i, pararat baritaM i.
Arta hamoraonki, tau pasangap Ho ma i. Roha nang ulaonki,
marbarita na uli, marbarita na uli.
12. Tangiang Ale Amanami – Pasupasu - Amen-Amen-Amen
II. ACARA / RAMAH TAMAH (Diatur Tersendiri)
Tidak ada komentar:
Posting Komentar