ACARA SYUKURAN RENOVASI RUMAH

 ACARA SYUKURAN RENOVASI RUMAH

       Marende BE No. 18:1-2 UNGKAP BAHAL NA UMULI

Ø Ungkap bahal na ummuli bagas ni Debatangki. Ai tusi do au naeng muli ganup jumpang minggu i. Hulului do disi, bohi ni Debatangki.

Ø Nunga ro au O Tuhanku, ro ma Ho tu au muse. Ai di bagas ingananMu las ni roha do sude. Sai bongoti rohangkon, baen ma joroMi dison.

2.    Invocatio/Introitus         (L = Liturgis; R = Ruas; H = Hasuhuton)

L        =   Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia.

R       =   Amen!

L        =   Alai na hot do haojahan na sian Debata. Hata on ma sahapna: Ditanda Tuhan i do angka na di Ibana! Dohot: “Sirang ma sian hageduhon nasa na mandok Goar ni Tuhan i”. Asa halak na paias dirina sian angka ragam hajahaton, ima gabe ulaula na badia, na tu ulaon hasangapon, na hasea tu nampuna bagas i sandiri, rade tu nasa ulaon na denggan.

R       =   Molo so Jahowa paulihon bagas, loja sambing do angka na mamandei; molo so Jahowa na marhal huta i, ndang marniula hadudungo ni parhal.

L        =   Antong itabongoti ma angka ingananNa i, marsomba ma hita tu jolo ni sidegedegean ni totNa.

H       =   Hape nian nunga Ibana manggohi bagasnasida dohot denggan basa. Sai mandao ma sian ahu pingkiran ni halak parjahat. Jala marhitehite parbinotoan, gok angka bilutna dohot ugasan na marragamragam angka na arga jala na uli.

L        =   Nunga dipajongjong hapistaran i jabuna, jala nunga didakdak tiangna batu sipitupitu i. Antong ramoti ma dirim, asa unang lupa roham di Jahowa Debatam, gabe ndang diradoti ho angka tonaNa i, uhumNa dohot angka aturanNa, angka na hutonahon i tu ho sadari on. Asa unang ia dung mangan ho jala bosuran, jala dipauli ho angka bagas na uli diingani ho. Asa unang dohononmu di bagasan roham: Gogongku sandiri dohot huaso ni tanganku mangomo di ahu hamoraon on. Ingkon paingotingoton ni roham tahe Jahowa Debatam, ai Ibana do mangalehon gogo tu ho mangomo angka arta i. Martangiang ma hita: Ale Tuhan Debata, Parasiroha na sumurung. Mauliate ma rohanami tu Ho ala ni godang ni asi ni rohaM di hami. Diurupi ho do hami di ragam ni angka siulaonnami, lumobi ma amang doho inang nampuna bagas on Kel. XXXX/ br. XXXX, sian na mamungka renovasi ni bagas on sahat ro di nuaeng. SilehonlehonMu do i umbahen na sun bagas on. Alani i hupasahat hami ma tu Ho asa Ho nampunasa. Sai parmahani ma Amanami/Inanami  di tonga ni bagas on jala lehonma Tuhan pasupasu asa taruli parianakhonon tu nasida. Asi ma rohaM ale Tuhan Debata, sai tangihon ma tangiangnami dohot tangiang ni angka dongan na ro tu bagas on. Manang ise na bongot tu bagas on sai Ho ma na manomunomu, jala manang ise na haruar sian bagas on sai Ho ma na paborhathon, asa ganup na bongot manang na haruar sian bagas on maruli pasupasu dohot lasniroha. Mauliate ma di Ho marhite Kristus Jesus. Amen!

3.    Epistel: 2 Musa 17: 1 - 7

L        =   Dung i borhat ma sandok luhutan ni halak Israel sian halongonan Sin, marguru tu pandokkon ni Jahowa pardalanonnasida i, gabe marsaro nasida di Rapidim; alai ndang adong aek siinumon ni bangso i disi.

R       =   Jadi dibadai bangso i ma si Musa, angka didok ma: Lehon hamu aek siinumonnami! Jadi didok si Musa ma tu nasida: Boasa ahu badaanmuna? Boasa unjunanmuna Jahowa?

L        =   Alai uasan di aek bangso i disi, gabe marmungutmungut nasida dompak si Musa, didok ma: Boasa tung paruaronmu hami sian Misir laho mambunu hami dohot anakkonnami ro di pinahannami dibahen uas?

R       =   Jadi mangangguhi ma si Musa tu Jahowa, ninna ma: Aha ma bahenonku tu bangso on? Otik nari dangguronnasida ma ahu dohot batu.

L        =   Jadi didok Jahowa ma tu si Musa: Bolus ma sian jolo ni bangso i, jala arahon deba sian angka sintua ni Israel bahen donganmu, jala boan ma tungkotmu, na nilipathonmu tu batang aek i, dung i laho ma ho.

R       =   Ida ma, jongjong ma Ahu disi di jolom di atas ni sada dolok batu di Horeb, lipati ma dolok batu i, gabe ruar ma sian i aek siinumon ni bangso i. Jadi dibahen si Musa ma songon i di adopan ni angka sintua ni Israel.

L        =   Jadi dibahen ma goar ni hajongjongan i Massa (pangunjunan) dohot Meriba (parbadaan), ala ni bada ni halak Israel, jala ala ni niunjunannasida Jahowa, na nidokna i: Di tongatonganta ulaning do Jahowa manang ndang? Ido sahatna. Martua ma halak na tumangihon Hata ni Debata jala naumpeopsa!

L + R = Amen

4. Marende BE. No. 763: 2 MOLO JESUS DONGANMI

Ø  Molo Jesus donganmi las roham! JagaonNa tondim i las roham.

Tiruonmu ma tongtong dame nang holongNa i, Saleleng di ngolum i las roham.

Las roham, las roham, mardonganhon Jesus i las roham.

Marsinondang ma di ho, bintang panghirimon i,  

Mardonganhon Jesus i las roham.

5.    Jamita :

6.    Marende BE. No. 504: 1 DITOGU TUHAN JESUS AU

Ø  Ditogu Tuhan Jesus au, i do na mangapuli au.

Di ganup dalan nang tung maol, tanganNa do tongtong hu haol.

Ditogutogu Jesus au, tanganNa sai maniop au tongtong

ma siseanNa au, paima boi tu surgo lao.

7.    Tangiang Pangondianon :

8.    Marende BE No. 754:1 GOK LAS NI ROHA DO AU (Papungu Pelean)

Gok las ni roha do au di ngolungkon, di ngolungkon, di ngolungkon. Gok las ni roha do au di ngolungkon tongtong di rohangkon.

Mauliate, gok las ni roha, maringan holongMi Tuhan di au 2x

2. Mardame jala sonang do ngolunghon, di rohanghon, di rohanghon.

Mardame jala sonang do ngolunghon, tongtong di rohanghon. Mauliate ...

3. Gok do holong ni Jesus di ngolunghon, di ngolunghon, di ngolungkon.

Gok do holong ni Jesus di ngolunghon, tongtong di rohangkon. Mauliate ...

9.    Tangiang Panutup - Ale Amanami – Pasupasu

       Amen-Amen-Amen