PARTANGIANGAN BONA TAON INA HURIA

 

I.                   PARTANGIANGAN BONA TAON INA HURIA

01.    Marende BE No. 581: 1 + 3 Sangap Di Jahowa

Sangap di Jahowa na sun timbul i, balga ni holongNa ndang tarasam i.

Dilehon AnakNa na sasada i, manobus hita jolma pardosa i.

Puji ma Debata ale manisia, las roham, las roham, somba ma Debata.

Dapothon Jahowa na sun timbul i, marhite AnakNa Tuhan Jesus i.

Balga situtu pambaenMi Debata, tung sohasuhatan holong ni rohaM.

Tu jolma pardosa asi do rohaM, diungkap Ho dalan lao tu banuaM.

Puji ma Debata ale manisia, las roham, las roham, somba ma Debata.

Dapothon Jahowa na sun timbul i, marhite AnakNa Tuhan Jesus i.

 

02.  VOTUM  - INTROITUS – TANGIANG

(L= Liturgis;      I= Ina;      S= Sude)

         L          :  Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Porbadia na tumompa langit dohot tano on.

         S          :  Amen!

         L          :  Patimbulonku ma Ho, ale Debatangku, Ho ale Raja, jala pujionku ma GoarMu ro di salelenglelengna.

         I           :  Ganup ari do pujionku Ho, jala pasangaponku goarMu ro di salelenglelengna.

         L          :  Sai pingkironku do hinauli ni hamuliaonMu na sangap i, dohot angka barita ni halongangan angka na binahenMi.

         I           :  Na bonar do Jahowa di saluhut angka dalanNa jala basa di bagasan saluhut jadijadianNa i.

         L          :  Donok do Jahowa di sude angka na manjou Ibana di bagasan hasintongan.

                  Martangiang ma hita :

                        Ale Tuhan Debata na so marmula na so marpansohotan, Debata na manongtong ro di saleleng ni lelengna! Na so olo suda do angka taonMu, jala ndang marparbolatan angka ariariM, alai jempek jala na mura salpu do taonnami dohot ariarinami.

         I           :  Mansai godang do denggan ni basaM hujalo hami manipat taon na salpu i, jala huingot hami do i sadari on di bagasan Partangiangan Bona Taon Ina di tonga ni HuriaM on.

         L          :  On pe mauliate ma rohanami tu Ho, ala dipangolu jala diramoti Ho do hami, dilehon Ho hangoluan di hami jala dipasupasu Ho na niula ni tangannami.

         I           :  Mansai godang do hahurangannami alai sai dihuphupi Ho do i marhitehite asi ni rohaM. Sai togutogu jala ramoti ma hami ganup ari di angka dalan sidalanannami dohot ulaon siulaonnami.

         L          :  Tangihon ma Tuhan tangiangnami on marhitehite Anak haholongan ni rohaM, Tuhan Jesus Kristus.

         S          :  Amen.

 

03.    Marende BE No. 587: 1-2 Taendehon Las ni Roha

Taendehon las ni roha, pasangaphon Tuhan i.

Roha holong na mangonjar laho mangendehon i.

Ganup ari ganup borngin, unang lupa ho disi.

Angka ende na umuli sipasangap Tuhan i.

Nang parhinaloan i baen pasangap Tuhan i.

Taendehon las ni roha sipadame roha i.

Tung dao do badabada dohot angka hosom i.

Hadameon ni Tuhanta i do sihirimon i.

Tapalambas ma rohanta mida angka dongan i.

Na martua do sude na lambok marroha i.

 

 

04.    MANJAHA AYAT: Psalmen 116: 1-6

         L          :  Holong do rohangku di Jahowa, ala naung ditangihon joujoungki, parhurajaionku.

         I           :  Ai nunga dipaeleng pinggolna tu ahu, jadi sai jouonku ma Ibana, saleleng ahu mangolu.

         L          :  Nunga pola dihaliangi angka rante ni hamatean ahu, jala nunga pola mangonai tu ahu angka hagogotan ni banua toru, nunga pola mangonai tu ahu hagogotan dohot pardangolan.

         I           :  Dung i hupajoujou ma goar ni Jahowa: Ale Jahowa, sai palua ma tondingki! Parasi roha do Jahowa jala na bonar, jala parasi roha do Debatanta i.

         L          :  Siramoti angka siunjur roha do Jahowa, nunga tung tarjepol ahu, jadi Ibana mangurupi ahu.

Ima sahatna! Martua do angka na tumangihon hata ni Debata, jala na umpeopsa!

         S          : Amen.

 

 

05.    Marende BE No. 392: 1+4 Sai Pasiat Tuhan Jesus

Sai pasiat Tuhan Jesus tu bagasan roham i.

Sai maimaima Jesus bege panuktuknai.

Sai pasiat Tuhan Jesus, jangkon i tu roham i,

nunga tingki parasian, sotung sanga salpu i.

Lehon ngolum i tu Jesus, ai hatop do salpu i.

Sai pasiat ma Tuhanmu, tu roham na loja i.

Sai pasiat Tuhan Jesus, jangkon i tu roham i,

nunga tingki parasian, sotung sanga salpu i.

 

06.       TANGIANG PANGONDIANON

 

 

07.    Marende BE No. 518: 1 Marsinondang Dibaen Jesus

Marsinondang dibaen Jesus asi ni rohaNa i,

Jala hita do disuru asa tapaboa i.

Tapagalak palitonta, tapatiur dalan i,

Ai torop dope na lilu, sai hatop ma mulak i.

 

08.    JAMITA / RENUNGAN:

 

09.    Marende BE No. 719: 1…  Hubege SoaraM O Jesus (P. Pelean)

Hubege soaraM o Jesus, hubege soaraM o Jesus.

Hubege soaraM o Jesus, na manjouhon, ihuthon ma au.

Togu au Jesus Tuhanku, iring iring ma langkangku,

Patuduhon ma dalanMu asa unang unang  lilu au.

Hupasahat ma diringku, hupasahat ma diringku,

hupasahat ma diringku, mangihuthon Jesus Tuhanki.

Togu au Jesus Tuhanku, iring iring ma langkangku,

Patuduhon ma dalanMu asa unang unang  lilu au.

===Musik===

Pargogoi ma au Tuhanku, pargogoi ma au Tuhanku,

pargogoi ma au Tuhanku, lao mamorsan silang na tu au.

Togu au Jesus Tuhanku, iring iring ma langkangku,

Patuduhon ma dalanMu asa unang unang  lilu au.

 

10.    TANGIANG PANUTUP - ALE AMANAMI - PASUPASU

         AMEN… AMEN… AMEN!

 

 

II.                 ACARA BONA TAON

ACARA BONA TAON INA  (ACARA TERSENDIRI)