TIDAK MENYOMBONGKAN DIRI

 -       Saat Teduh

-       BERNYANYI BE 2: 1 Naeng Pujionhu Ho Jahowa

Naeng pujionhu Ho Jahowa, ai Ho do Debata na tutu i.

Sai suru Tondi Parbadia tu au asa hupuji goarMi.

Marhitehite Jesus, AnakMi; asa lomo rohaM di endengki.

Renungan: 

Ay. Pagi: Yunus 4: 6-9

Ay. Mlm: Mazmur 34: 17-18

Ay. Harian : Ulangan 9: 6

“Jadi ketahuilah, bahwa bukan karena jasa-jasamu TUHAN, Allahmu, memberikan kepadamu negeri yang baik itu untuk diduduki. Sesungguhnya engkau bangsa yang tegar tengkuk!”

=== TIDAK MENYOMBONGKAN DIRI ===

Kita sering mendengarkan kata “Bagai kacang lupa akan kulitnya”. Istilah itu hendak mengatakan seseorang yang telah melupakan jasa orang yang telah berjasa kepadanya. Ia lupa kepada sosok yang telah melindunginya selama ini. Hal seperti itu sering terjadi dalam kehidupan sehari-hari dalam berteman, keluarga, rekan kerja bahkan kepada Tuhan itu sendiri. Hal itu juga terjadi pada bangsa Israel, sehingga Tuhan Allah melalui Musa berkali-kali mengingatkan bangsa tersebut agar tidak terjatuh ke dalam kesombongan yang membuat mereka lupa diri. Mereka sering melupakan pertolongan Tuhan, bahkan menganggap keberhasilan mereka adalah karya sendiri. Tetapi dalam Firman Tuhan hari ini, mereka diperingatkan untuk tidak menyombongkan diri, sekalipun mereka dapat menduduki tanah orang-orang Enaq bukanlah karena kebaikan mereka atau kehebatan mereka dalam berperang, tetapi itu semua dapat terjadi hanya oleh karena pengasihan Tuhan Allah sendiri.

            Dalam masa kini, perubahan semakin dinamis. Kehidupan seseorang dapat mengalami lompatan-lompatan dalam tahap kehidupan yang begitu cepat. Misalnya seseorang yang dulu dianggap ‘miskin’ dapat tiba-tiba menjadi kaya, seseorang yang dulu dianggap tidak perlu dapat tiba-tiba menjadi sosok yang sangat penting dan hal itu juga berlaku sebaliknya ada yang dulunya dia begitu dihormati tiba-tiba dia dapat kehilangan segalanya. Untuk perkara-perkara demikian setiap orang percaya harus mempersiapkan mental dan rohaninya dengan baik supaya dia tidak kaget (shock). Jika dia mengalami penurunan taraf hidup yang drastis dia tidak menjadi down, minder bahkan menjadi rendah diri, sedangkan jika mengalami kenaikan taraf hidup yang drastis dia tidak menjadi sombong, angkuh; melupakan orang yang berjasa terlebih melupakan pertolongan Tuhan. Kita harus mempersiapkan mental yang baik, apabila terjadi kenaikan hidup yang drastis maka kita tidak menjadi star sindrom.

            Salah satu nasehat melalui Firman hari ini adalah agar kita tetap menjadi rendah hati dan selalu menyadari bahwa setiap langkah dalam kehidupan kita adalah pengasihan dari Tuhan. Kesadaran akan hidup hanya oleh kasih karunia Tuhan Allah (Sola Gratia), bukan hanya menjadi slogan tetapi dapat menjadi pengontrol di dalam diri kita agar tetap menjadi orang yang rendah hati. Kita dapat menikmati dan berbangga diri atas pencapaian tertentu tetapi harus dikemas atau dibawakan seturut dengan kehendak Tuhan. Pencapaian tertentu yang telah kita miliki hendaknya kita gunakan untuk semakin dekat dan semakin taat kepada Tuhan.

. AMIN

Syalom! Tabe

Pdt. YeS

-       DOA SYAFAAT : ___________________________

-       BERNYANYI BE 194: 1 Aut So Asi RohaM

Aut so asi rohaM, aut so godang basaM, tu dia au?

Alai dibaen basaM dohot asi rohaM tu surgo au.

-       DOA BAPA KAMI

Hasintongan Na Sian Tuhan Jesus

 

Nats	Mateus 15: 1-9
Topik	Hasintongan Na Sian Tuhan Jesus

 

I. Patujolo

Di bagasan Barita Nauli na sian si Mateus; turpuk on Mateus 15: 1-9, ro ma angka sibotosurat dohot angka parise sian huta Jerusalem laho mandapothon Jesus. Haroronasida laho manungkun dohot mangalului hasalaan ni Tuhan Jesus, tarlumobi ma i di na lam tarbarita panghobasion ni Tuhan Jesus jala lam godang na mangihuthon Ibana. Tarbereng ni angka sibotosurat dohot angka parise ma angka sisean ni Tuhan Jesus na mangan hape ndang jumolo mamuri tangan (bdk. Markus 7: 1-23, Lukas 11: 38). Persoalan na so mamuri tangan andorang mangan ima dalan ni angka sibotosurat dohot parise laho manihai Tuhan Jesus na dipadomu dohot alasan ‘adat na sian angka natuatua’. Laos marudut muse alus ni Tuhan Jesus laho paboahon hasintongan dohot pangajarion.

 

II. Hatorangan

Ay. 1-2 ima kondisi ni turpuk na gabe sibonsiri ni panghataion ni angka sibotosurat dohot parise laho manohanoha Tuhan Jesus nang pe borhat sian hasomalan ni halak Jahudi. Dipabangkit halak Jahudi do angka aturanna dohot hasomalan na mengikat tu masyarakat sahat tu angka hal na metmet isarana taringot tu parmanganon songon sipanganon na boi dohot na so jadi panganon dohot na marburi tangan andorang mangan nunga masuk tu ruhut parugamoon dohot simbol habadiaon. Hape Tuhan Jesus mamereng dohot mamastihon ia sipanganon songon na ni maksud ni halak Jahudi i ima horong ni sipanganon na mardomu tu pamatang do jala ndada marhadomuan tu haporseaon (Bdk. Mat. 15: 10-20).

Ay. 3-6: Tardok do halak Jahudi na gogo di bagasan angka ruhut ni uhum dohot adat, alai molo sega dasor dohot pangantusion ni uhum dohot adat i na boi do na gabe mangaliluhon torop jolma songon pangantusion dohot pangulaonnasida taringot tu patik ni Debata na dilipehon nasida. Tangkas do Tuhan Jesus mengkritisi marhite sungkun-sungkun: “… boasa loasanmuna patik ni Debata paingotingot adatmuna i?” dohot na mandok “pinelehon ma tagonan na patut hian pangurupingku di ho, ndang pola be halak i pasangaphon amana manang inana disi.” Gabe disegai halak i do patik ni Debata.

Ay. 7-9: Marudut ma muse Tuhan Jesus laho mangkritisi karakter nasida ima na marpangansi (munafik): na so dos panghataionna dohot pangalahona. Didok muse songon pandohan ni panurirang Jesaya na mandok dipasangap bangso i do Debata marhite pamanganna alai dao do anggo rohanasida jala magopo do nasida na pasangaphon Debata ai poda ni jolma do dipodahon nasida.

 

III. Sipahusorhusoron

1) Hasintongan Na Sian Tuhan Jesus. Sumber parjolo dohot na utama pangajarion ni haporseaon ima Hata ni Debata. Dung lam hembang angka zaman dohot kemajuan ni angka huria lam martamba do pangajarion na borhat sian Hata ni Debata isarana haputusan ni angka bapa-bapa Gereja, jamita dohot angka na sarupa tusi alai diajari Tondi Parbadia do hita laho mamboto angka ajaran na sintong jala hombar tu lomo ni roha ni Debata. Na boi do masa angka pangaliluon mulai sian na jolo sahat tu haduan, alai ringkot do halak na porsea i laho mamboto dohot maniop hasintongan na sian Tuhan Jesus. Disuru asa radot tu Hata ni Debata alai ndang boi laho mangalipehon songon tarsurat di 5 Musa 4: 2 “Ndang jadi ambaanmuna tu hata naung hutonahon i tu hamu, jala ndang jadi oruanmuna sian i, ingkon radotanmuna do tona ni Jahowa Debatamuna i, naung hutonahon i tu hamu”.

2) Na So Boi Palipehon Hata ni Debata. Somal do di bagasan sada diskusi manang pardebatan adong angka perbedaan pendapat ala borhat sian alasanna be (argumen) songon na pinatupa ni halak sibotosurat dohot parise tu Tuhan Jesus, alai di na saluhut angka argumen i ingkon taruji tu hasintongan na sian Debata. Borhat do halak Jahudi i laho mardebat dohot Tuhan Jesus sian hasomalan dohot pangantusionnasida naung sala alai laos dipatingkos Tuhan Jesus. Ndada holan hasomalan (adat manang tradisi) manang angka poda ni natuatua na boi maralo tu Hata ni Debata alai dohot do sipata pingkiran ni hajolmaon, ilmu pengetahuan, teknologi, perkembangan zaman, pengajaran para tokoh na boi sala jala mangaliluhon angka jolma sialani i ingkon pangkeonta ma habisuhon na sian Debata laho mangadopi sisongoni. Tung manang aha pe rupa ni angka pangajarion i, alai na so boi palipehon Hata ni Debata.

3) Pangkeonta ma Sinjata na sian Debata. Saleleng mangolu manisia, saleleng i ma tongtong adopanna angka tantangan jala saleleng i ma ingkon radotanna haporseaon na tu Debata. Sialani i, ingkon pangkeonta ma sinjata na sian Debata laho mangadopi angka dosa nang hajahataon. Dilehon di hita TondiNa laho mangajariajari, dilehon HataNa laho manogunogu hita, dilehon hagogoon maralohon na sa na jat. Holan marhite na nilehon ni Debata i do hita boi tuk manaluhon angka tantangan ni haporseaon ndada na borhat sian portibi on.

Tuhan Jesus Do Hangoluan

 

 

Nats	Johannes 6: 51-58
Topik	Tuhan Jesus Do Hangoluan

I. Patujolo

Barita Na Uli (Injil) Johannes nampuna ciri khas ima mangutip pandohan ni Tuhan Jesus na mamangke goar ni angka barang na adong di humaliang nasida songon kiasan laho pasahathon pangajarion taringot tu Ibana dohot Debata Ama tarsongon sagusagu (roti), aek, torang, parmahan, hau anggur, dna. Di bagasan barita nauli Johannes laho pataridahon Tuhan Jesus ima Hata ni Debata na gabe jolma; alai laos Ibana do na marhuaso laho paluahon jolma jala na marhuaso manontuhon upa ni jolma di ari na parpudi jala patandahon Tuhan Jesus lobi tangkas marhite ha-Ahu-on ni Ibana di buku Johannes jala dibagasan na patandahon i dipaboa do godang taringot tu hahomion ni Tuhan Jesus.

 

II. Hatorangan

Ay. 51-53: Turpuk on marmula do sian na nilehon ni Tuhan Jesus mangan 5.000 halak marhite 5 roti dohot 2 dengke jala lobi 12 haranjang. Dung i diihuthon nasida ma Tuhan Jesus laho dapotan sipanganon so pola mangula, alai diboto Tuhan Jesus do rohanasida i. Laos marhite na masa, dipasahat Tuhan Jesus ma pangajarionNa ia Ibana ima roti na mangolu na tuat sian banua ginjang. Manang ise na mangan roti i, mangolu salelenglelengna. Roti na nimaksud ima dagingNa sandiri. Pandohan ‘daging’ gabe mambahen angka Jahudi marsual ala dipingkiri nasida marhite pamatang bahen didok “beha ma bahenon ni halak on mangalehon dagingNa i panganonta?”. Dipaboa Tuhan Jesus do sada rahasia na balga ima holan marhite Ibana do dalan haluaon i marhite na manganhon dagingNa i dohot minum mudarNa i.

            Ay. 54-56: Na mangihut laos dipabagas Tuhan Jesus do hatorangan taringot tu diriNa na gabe roti hangoluan i ima na paboahon hasurungan ni na manganhon roti i: 1) dapotan hangoluan salelenglelengna, 2) na manginum mudarNa paheheonNa sahat ro di ari parpudi 3) na mian di bagasan ibana ido paluaonNa. Sian i laho mangondolhon taruli haulion ma ganup angka na porsea di Ibana jala haulion na pinasahat ni Debata andul ummarga sian na ni lehon ni portibi on.

            Ay. 57-58: Di bagasan ayat 57-58 dipaandar do muse hadirion ni Tuhan Jesus Anak ni Debata Ama jala Debata Ama nunga patar marhite Tuhan Jesus Kristus. Adong angka pangondolhonon na khusus sian Injil Johannes taringot tu hasurungan ni Tuhan Jesus dohot rahasia ia partalian hubungan tu Debata Ama ima holan marhite Tuhan Jesus. Bangso Israel hea taruli roti uju di parhorsikan ima manna, alai Tuhan Jesus ima sipanganon hangoluan na saleleng ni lelengna.

 

III. Sipahusorhusoron

1)                  Tuhan Jesus do sipangonon hangoluan. Tung pe dipangke istilah roti manang sipanganon manang daging manang mudar, ndada dilapati secara harafiah, alai dipasahat Tuhan Jesus pe songoni asa boi sahat jala tangkup tu angka na umbegesa ala borhat sian hangoluan dohot haporluan siganup ari. Molo taharingkothon angka benda na adong di portibi on songon kebutuhan isarana sipanganon dohot siinumon di portibi on alai adong na rumingkot ima sipanganon daging ni Tuhan Jesus dohot siinumon mudar ni Tuhan Jesus.

2)                  Mangondolhon haporseaon tu Tuhan Jesus. Didok Tuhan Jesus taringot tu ha-Ahu-on Na (Ego Eimi) ima laho paboahon na sasintongna Ibana marharoroan sian banua ginjang manang Debata Ama dohot paboahon hasurungon songon upa ni angka na porsea. Marhite haporseaon tu Tuhan Jesus dapot hian haluaon jala asa manongtong haporseaonta di bagasan Ibana. Holan marhite Tuhan Jesus do boi hita taruli di upa na sumurung di ari parpudi na so boi tarlehon ni portibi on.

3)                  Sada di Bagasan Debata. Didok Tuhan Jesus diturpuk on asa manganhon dagingNa dohot mudarNa laho mamodahon asa mangolu hita di bagasan Tuhan Jesus, Jala Tondi ni Debata mian di bagasan hita. Molo tapaandar tu na tinonahon ni Tuhan Jesus ima marulaon na badia; tapanganon do daging ni Tuhan Jesus, dagingNa na dilehon tu hamatean humophop hita dohot mudarNa na diusehon bahen hasesaan ni dosa. Laos ido mangaramoti jala pahothon roha manghaporseai Ibana, asa dapotan hangoluan na so ra suda. Molo porsea jala mangolu hita di bagasan Ibana, ndang magopo haporseaonta i.