ACARA PARTANGIANGAN PARHALADO DAN KELUARGA
01. Tangiang Na Hohom
02. Marende BE No. 12: 1-2 DIPUJI ROHANGKON DO HO
Dipuji rohangkon do Ho, Jahowa Tuhanhi
Huhut hubaritahon do sude pambaenanMi.
Huboto Ho do mual ni na denggan sasude
Dilehon Ho do sian i godang di hami be.
02. VOTUM – INTROITUS – TANGIANG:
L : Marhitehite Goar ni Debata Ama, dohot anakNa Tuhan Jesus Kristus dohot Tondi Parbadia, na manompa langit dohot tano on. Amen.
Sai tong do mamerengi matanghu tu Jahowa, ai Ibana do mangenet pathu sian jorgong. Sai dompakhon ma ahu, jala asi ma rohaM di ahu.
Martangiang ma hita: Ale Tuhan Debata, Amanami na di banua ginjang, Parasiroha na sumurung! Na mandok mauliate ma hami tu Ho sian nasa rohanami, ala dilehon Ho AnakMu na sasada I tu hamatean humongkop hami.
H : Mandok mauliate ma hami tongtong ala panjouonMu di hami di angka ulaon ni huriaM jala boi hami marpungu di bagas ni amang St. xxx / inang br. xxx.
L : Tatap ma hami, ale Amanami di bagasan AnakMu Jesus Kristus, na gabe habadiaon dohot hatigoran di hami. Sai paeleng ma pinggolMu tu tangiangnami jala asi ma rohaM di hami marhitehite AnakMu, Tuhan jesus Kristus, Tuhannami. Amen.
03. MANJAHA TURPUK EPISTEL: Lukas 10 : 1 - 3
L Tajaha ma turpuk Epistel di partangiangan on, i ma na tarsurat di Lukas 10 : 1 - 3, Dung i dipillit Jesus dope pitupulu halak nari, jala duadua do nasida disuru patujoloNa tu sude huta dohot inganan, sitopotonna i muse.
H : Ninna ma mandok nasida: Bidang do nian sisabion i, alai otik do anggo pangula. Onpe, elehelek hamu ma Nampuna sisabion i, anggiat dipaborhat angka pangula tu sisabionna i.
L : Laho ma hamu! Hira birubiru do hamu husuru tu tongatonga ni angka babiat. Ido sahatna. Martua do angka na tumangihon hata ni Debata jala na umpeopsa.
H : Amen
04. Marende BE. No. 385 : 1 DIJOUHON JESUS RO HAMU
Dijouhon Jesus ro sude hamu na loja i.
Hutogutogu do hamu tu hasonangan i.
Hamu sude pamanat i, hamu ni arahonNa i; tadingkon ni arsakhonmi,
Dompakhon Tuhan i. Sonang ni roha i, sonang ni roha i;
sonang ni roha i dilehon Jesus i.
05. Jamita :
06. Marende BE. No. 471: 1 + 3 “HUPILLIT JESUS DONGANHI
Hupillit Jesus donganki lao mangoloi Ibana.
Nang muruk pe torop disi labangku do Ibana.
Di Ho ngolungku rodi ajalhu, Jesus di Ho au, mate, mangolu.
Di Ho ngolungku rodi ajalhu, Jesus di Ho au, mate, mangolu.
Rohangku baen ingananMi, patiur ma langkangku,
Huhatindanghon ma disi: Ho Jesus palitongku,
Di Ho ngolungku rodi ajalhu, Jesus di Ho au, mate, mangolu.
Di Ho ngolungku rodi ajalhu, Jesus di Ho au, mate, mangolu.
07. Tangiang Sian Na Ro
08. Marende BE. No. 557 : 1 -2 DAO DUMENGGAN
Dao dumenggan asi ni rohaM, dao umarga sian ngolungkon.
Sai pujionhu ma Ho Tuhanhu,
dao umarga sian nasa ngolungku, dao dumenggan asi ni rohaM.
Ala goarMu ro do au tu Ho, herbang tanganhu lao mamuji Ho.
Dao umarga sian ngolungku, dao dumenggan asi ni rohaM.
09. Tangiang Sian Parjabu
10. Marende BE. No. 666. 1 + 3 INGKON DO BOANONTA BARITA
(PASAHATHON PELEAN)
Ingkon do boanonta barita, tu inganan na holom i,
ima holong nang hasintongan :,:dame na manongtong i, :,:
Ai naung binsar do hatiuron nunga salpu na holom i,
Huaso ni Kristus hot tongtong salelenglelengna i.
Ingkon do boanonta barita, Debatanta do raja i. /
Dilehon Anak sasadaNa :,:manobus pardosa i,:,:
Ai naung binsar do hatiuron nunga salpu na holom i,
Huaso ni Kristus hot tongtong salelenglelengna i.
11. Tangiang Pelean - Tangiang Ale Amanami - Pasupasu - Amen
