PODA 22: 8 - 12 DIHAHOLONGI DEBATA DO ANGKA NA IAS ROHA

 

PODA 22: 8 - 12

DIHAHOLONGI DEBATA DO ANGKA NA IAS ROHA

1.         Patujolo: Buku Poda taringot tu ajaran cara hidup na denggan na dipasahat di bagasan sastra na marrumanghon angka poda, umpama, habisuhon. Manang ise naeng lam bisuk ingkon jumolo do ibana mabiar mida Jahowa di bagasan hasangaponNa (Poda 1: 7). Jala I do sada na mambahen halak Israel gabe pistarpistar ala jotjot do nasida manjaha Buku Poda. Marhite poda ni raja Salomo laho mangondolhon asa ganup jolma mangalului bisuk, ai arga do bisuk I. Di bagasan turpuktaon dipatuduhon do angka dampak ni habisuhon I tu angka na olo marsiajar, tumangihon dohot mangulahon angka pangajarion. Adong 2 hal sebab akibat na dipatudu di bagasan turpuk on: alani angka na roa dapotan ma angka jea, jala na denggan parohon angka pasupasu na tangkas. Alani i angka na marbisuk pasti do diboto pilihanna jala diulahon.

2.         Halak na lambok dapotan pasupasu (ay.8-9). Manang ise na manaburhon hageduhon, gotilonna do sogot hamagoan, jala siap do tungkot ni hajungkatonna i. Diparngoluan ni jolma on, masa do songon nan i dok: aha na tasuan, ido tagotil, apa yang kita tabur itu yang akan kita tuai. Tarlumobi Hukum di Padan Na robi na sai mangondolhon Hukum Pembalasan. Sekilas hira sarupa do halak na jahat dohot na burju di portibion, rap mangolu, rap karejo di portibi on, alai tangkas ma parasinganna molo dung jumpang paruhuman na sian Debata. Perlahan-lahan angka hageduhon na diulahon jolma I sandiri mamboan ibana tu hamagoan. Jala “tungkot” na ima na gabe andalanna ujungna ndang gabe las ni roha, alai gabe hadadabuna. Halak na lambok marpanaili, dapotan pasupasu, ai dilehon do sian indahanna tu halak na pogos. Jotjot do dipangke Tuhan Jesus hata “lambok” laho patuduhon halak identitas ni halak Kristen, lambok dalam arti kelemahlembutan, haserepon, parholong ni roha, mangolu di bagasan dirina parasinirohaon.

3.         Dapotan uhum do angka halak pargeduk (ay. 10-12). Porsea manang so porsea hita, marpanatap do Jahowa di angka pangalaho ni jolma. Halak Pargeduk lebih condong do tu halak na so manghalomohon hasintongan dohot keadilan. Pargeduk Na jotjot dipatudos tu halak na dihasogohon Debata ima angka si parjahat dohot pardosa. Akibat na ni dapotna ima uhum sian Debata, pabalionna, uhumonna hombar tu na niulana. Gabe adong ma nian kesadaran ni halak na porsea I, bahwa tetap do Debata manghalomohon hamubaon ni roha ni halak na parjahat. Sebelum ro tingki paruhuman na posi, pasupasu na so gira sahat, hape ternyata naung ndang dihalomohon (tidak dikehendaki) Debata do ngoluna. Alani i sedapat mungkin ingkon mandao ma parbadaan, jadi mansadi ma parsalisian dohot tongkartongkar. Manghalomohon angka pardameon, andorang so ro angka paruhuman.

 

SIMPULAN NI TURPUK:

Songon Poda na sai mangajarhon habisuhon gabe adong roha Integritas menjadi Halak Partigor. Halak partigor ima halak na marojahan tu Hata ni Debata, jala halak na bisuk boi papulikhon na sintong sian na jat, na denggan sian na roa. Molo lam marbisuk jolma I, lam marlapatan ma ngoluna, jala bisuk ima na mamboan dalan na sintong gabe ndang tartuktuk ibana. Lam diantusi ibana ma laho menghargai hangoluan; hangoluanna sandiri dohot halak na asing, laos lam tamba ma hasangaponna dibahen bisuk i. Alai na gabe ojahan ni bisuk na dimaksud di turpuk on ima Habisuhon na sian Debata. I do na gabe sipeopon ni halak na porsea I, ndang sae holan mamboto na sintong dohot na sala, alai ingkon sahat do tu na mamillit jala mampartahanhon hasintongan I; Ima tanda ni na marbisuk dohot partigor. Halak partigor i, tongtong do (konsisten) mangulahon hasintongan di tonga-tonga ni angka halumlamon na adong di humaliangna. Jala ndang marisuang angka haburjuonna I, ai sian Tuhan ido jaloonna upana. Halak partigor tudos tu buha siang ari, lam tu tiurna do, sahat ro di hos ni ari. Songon parnangkok ni mata ni ari, lam tiur do molo lam arian. Halak parjahat tu na holom marimpotimpot Ia dalan ni halak parjahat tudos tu na holom marimpotimpot, ndang diboto nasida partuktuhannasida i. Ianggo halak siula hajahaton dipalilu hajahaton i do ibana jala lam leleng lam bagas gabe dirajai dosa i. Ala holom ni dosana ndang diboto be nadia na tingkos manang daong, sampe do dang diboto hadadabuna tu dosa. Nunga mandosdos di ibana ngolu i, alai di tingkina ingkon taruhum do nasida siala ni hajahatonna, jala angka na ias roha I dapotan pasupasu. AMEN

PODA 19: 20 - 29 MANJANGHON DOHOT MANGULAHON PODA

 

PODA 19: 20 - 29

MANJANGHON DOHOT MANGULAHON PODA

1.         Nunga tangkas taboto ianggo buku Poda ima marisihon ajaran cara hidup na denggan na dipasahat di bagasan sastra na marrumanghon angka poda, umpama, habisuhon. Poda marrumanghon anjuran, petunjuk, oraora/ peringatan, bahkan pinsangpinsang/ teguran asa taboto mangulahon na denggan dohot pasiding na so denggan. Sialani i tung mansai denggan do buku poda on dipangke laho manopa jolma gabe marhapantunon songon Siihuthon Jesus tarlumobi tu angka ianakhon, sundut na umposo. Sude do halak mamorluhon poda asa dapotan bisuk bahkan sipaingot pe asa dapotan hatuaon sian na mangulahon poda songon na adong di turpukta on.

2.         MANJANGHON DOHOT MANGULAHON PODA (AY. 20) Tung diharingkothon halak Israel do na marsiajar jala torus diulahon turun temurun tarlumobi laho mamparsiajari Hata ni Debata, dalan, uhum, hasintongan ni Jahowa. Ala sada bagian na balga do tongtong pangajarion di bagasan ulaon panghobasion ima nadigoari didache manang pengajaran. Usaha laho mandapot hapistaran dohot habisuhon na marpardomuan tu Debata (hokma) salah satuna ima marhite haringgason nasida marhite na menggumuli Patik. Ringkot nai hape parbinotoan ala ido na gabe sipangkeon ni jolma laho pamurahon ibana mandalani ngoluna. Sian parbinotoan na nilehon ni Debata gabe mual ni angka parngoluanna. Parbinotoan i mamboan jolma tu pemahaman sekaligus dohot menuntun pangalahona dohot ulaonna. Sialani i buku poda on mansosohon asa manangihon hata sipaingot dohot manjangkon pangajaron, asa gabe pistar di hasusuda ni bohalmu, asa dapotan masa depan na denggan.

3.         BIAR MIDA JAHOWA PAROHON HANGOLUAN (AY. 23), Pangajarion di bagasan turpuk on diarahon do tu biar mida Jahowa, ala jelas sian Debata do parmulaan ni habisuhon dohot sian Tondi Parbadia ido parange na denggan. Sialani i, saluhut angka bahan parsiajaran, na pinasahat ni natoras, angka guru/ pangajari naeng ma mardasorhon Lomo ni roha ni Debata. Pangajarion na denggan bersifat mendidik, melatih, memandirikan tung mansai ringkot di partingkian dohot perkembangan ni zaman on. Diparade do hapistaran ni angka jolma marhite angka parsingkolaan/ pangajarion na asing, alai tongtong do ingkon diparade jolma i asa mardalan di dalan hasintongan na sian Debata. Alani i ndang boi dihalupahon angka pangajarion na mardomu tu patupahon parange/ karakter na denggan na boi dipatupa marhite angka Hata ni Debata, poda ni angka natoras di jabu, parsiajaran agama di parsingkolaan dohot ajaran moral/ etika na hombar tu Hakristenon.

4.         ASA DIBOTO MARPARANGE NA DENGGAN (AY. 24 – 29). Turpuk on bernas do laho mangajarhon hapantunon ni jolma. Songon ni dok ni halak Batak “Pantun hangoluan tois hamagoan” molo marparange na denggan sada halak, mampangkorhon na denggan doi tu dirina dohot tu halak na asing, alai hasombonganna mambahen hasogoan ni halak dohot hadadabuna sandiri. Parange na denggan mangalehon hangoluan, sian buku poda on boi do taputik nilainilai na arga tarsongon: habasaron manang kesetiaan (22), haringgason mangeahi parngoluan tu lam dengganna asa unang losok mangalului parngoluonna (24), godang dope angka poda na boi ditorushon tu angka dakdanak dohot na olo manangihon. Marhite sipasingot boido paubahon roha ni jolma manang menyadarhon halak na porlu sitogutoguon asa anggiat marbisuk molo nunga dipodai, asa tamba parbinotoan ni angka na so berpengalaman (25), dohot do dison mangajarhon hapantunon tu natuatua, asa unang dirupa amana asa unang dipalaolao inana (bdk. Patik V). Asa jumpang dakdanak na mangoloi natoras, tontu ala na diarahon, dipodai jala ditangiangkon natoras do tongtong. Angka dakdanak pe ingkon sadarionna do pasupasu ni Debata marhitehite natorasna manarihon ngoluna asa gabe ianakhon na mamboan las ni roha tu natuatuana. Asa tangima di angka poda na denggan tarlumobi di Hata ni Debata. AMEN

Amsal 15: 25 KUASA DAN PEMELIHARAAN TUHAN

 

Amsal 15: 25

KUASA DAN PEMELIHARAAN TUHAN

Kitab Amsal adalah kitab yang berisikan tentang nasehat-nasehat kebijaksanaan. Dari Kitab Amsal ini kita dapat belajar banyak hal, Boleh diibaratkan barangsiapa ingin bertambah kebijaksanaan maka ia harus banyak membaca kitab Amsal. Meskipun demikian kita juga harus membedakan kecerdasan duniawi atau kepintaran dibandingkan dengan hikmat dari pada Allah. Sebab pengetahuan duniawi tidak sama dengan rencana Tuhan Allah.

#KUASA TUHAN. Dalam nats hari ini, Tuhan menunjukkan jalan-jalan kehidupan dari sifat dan perbuatan. Misalnya rancangan orang jahat adalah kekejian bagi Tuhan, tetapi perkataan yang ramah itu suci (ay. 26). Kemudian Tuhan itu jauh dari orang fasik, tetapi doa orang benar didengarNya (ay. 29). Hal itu adalah contoh untuk menunjukkan bahwa Tuhan itu adil, Dia Maha melihat dan memperhatikan. Sehingga orang jahat diminta untuk berubah, sedangkan orang baik diminta untuk tetap setia kepada Tuhan. Tuhan Allah berkuasa menentukan hidup manusia, tetapi jika kita turut dalam firmanNya, maka kita akan berada dalam keselamatan.

#PEMELIHARAAN TUHAN. Mungkin kita pernah menonton sinetron yang membuat emosi kita tergugah. Misalnya kita ikut geram ketika orang yang baik itu dizolimi, sehingga dapat menimbulkan opini di dalam pikirna kita; “untuk apa menjadi orang yang baik, sedangkan orang yang baik itu sering menjadi korban kejahatan”. Tetapi Firman Tuhan ini menegaskan bahwa Ia sendiri yang memelihara umatNya, sehingga semua berada di dalam kuasaNya. Tuhan membela perkara orang-orang yang benar, dan yang dipinggirkan. Meskipun dalam nats, digunakan sebagai janda, namun hal itu menunjukkan bahwa Tuhan melindungi orang-orang yang statusnya kecil, yang sakit, yang hina, dlsb sebagaimana Tuhan Yesus datang untuk orang-orang kecil pada zamanNya di Bumi. Yakinlah atas penyertaan dan pemeliharaan Tuhan, bahwa Dia tidak akan membiarkan umatNya kalah, meskipun orang percaya harus mengalami tantangan, tetapi pada akhirnya Tuhan akan memberikan kemenangan bagi orang yang setia kepadaNya. Amen